2014-cü ilin yanvar-martında ARDNŞ ötən ilin eyni dövrü ilə müqayisədə Novorossiysk limanı vasitəsilə 38,2% az - 254,3 min ton neft ixrac edib. Bu barədə şirkətin məlumatında bildirilir.
Martda ARDNŞ Rusiya limanı vasitəsilə 84,7 min ton neft ixrav edib. Bu, bir il öncəkindən 74,9 min ton və ya 46,9% azdır.
ARDNŞ-nin məlumatına görə, 2014-cü ildə şirkət Bakı-Novorossiysk kəməri ilə 1,02 mln ton və ya ayda 85 min ton neft nəql etmək istəyir.
14 fevralda Rusiya tərəfi 1997-ci ildə bağlanan müqavilənin dayandırıldığını rəsmən elan etdi. Ona əsasən, Bakı-Novorossiysk kəməri ilə ildə 5 mln ton neft nəql olunmalı idi. 18 fevralda ARDNŞ və "Transneft" yeni müqavilə imzaladı. 2014-cü ilin sonunda bitən müqavilənin şərtləri açıqlanmır. Sonradan Rusiya KİV-i məlumat yaydı ki, 1 ton neftin nəql tarifi dəyiməyib - $15,67.
2013-cü ildə Bakı-Novorossiysk kəməri ilə 1,75 mln ton Azərbaycan nefti nəql edilib.
Tarif dəyişmədiyi halda ARDNŞ Rusiya vasitəsilə neft nəqlini niyə azaldıb? Məsələ burasındadır ki, Bakı-Novorossiysk kəməri ilə əsasən ARDNŞ nefti nəql edilir. Bu il hökumət neft emalını artırmaq istəyir, çünki daxili bazarda yanacaqla bağlı vəziyyət gərgindir. Digər tərəfdən, ARDNŞ-nin bütün yataqları köhnədir. Bu səbəbdən bu il şimal marşrutu ilə neft nəqli ötən illə müqayisədə 750 min ton azalacaq.—12D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz