Əmlak Məsələləri Dövlət Komitəsi dövlət əmlakını icarəyə götürən şəxslər tərəfindən icarə haqqı borclarının ödənilməsində yenilik edib və ödəmə imkanlarını daha da genişləndirib. Bundan sonra icarə haqlarını elektron ödəmə məntəqəsində ödəmək mümkün olacaq.
ƏMDK-də Turan-a bildiriblər ki, bu yenilik Komitənin mövcud informasiya sisteminin Mərkəzi Bank tərəfindən yaradılmış Hökumət Ödəniş Portalına (www.e-gov.az) inteqrasiyası nəticəsində tətbiq edilib.
İcarəçilər icarə haqqı borclarını banklar vasitəsilə və komitənin elektron xidmətlər portalından (www.e-emdk.gov.az) ödəyə biləcəklər.
ƏMDK fiziki və hüquqi şəxslərin icarəyə götürdüyü dövlət əmlakının sayı və sahəsi barədə məlumat vermir. «2016-cı ilin dövlət büdcəsi haqqında» qanuna əsasən, dövlət əmlakının, o cümlədən torpaq sahələrinin icarəsinə görə ümumi ödəniş məbləği 7 mln manat olacaq. 2015-ci ildə bu göstərici 5 mln manat təşkil edib.
Maraqlıdır ki, ƏMDK qimən icarə edilən dövlət mükiyyətində olan daşınmaz əmlak obyektlərinə nəzarət etmir. 2015-ci ildə Hesablama Palatası müəyyən edib ki, yalnız bir dövlət müəssisəsi («Azərpoçt» MMC) 4000 kv metrdən çox sahəni kommersiya şirkətlərinə icarəyə verib.
Qanunvericiliyə əsasən, dövlət müəssisə və təşkilatlarının istifadəsində olan daşınmaz əmlakın icarə haqlarının 50%-i dövlət büdcəsinə köçürülməlidir. 08D
İqtisadiyyat
-
Azərbaycan parlamenti mövcud bələdiyyələrin birləşdirilməsi yolu ilə yeni bələdiyyələrin yaradılmasını təsdiqləyib. Bu addım inzibati səmərəliliyi və yerli idarəetməni gücləndirmək məqsədi daşıyır. Qərar, "Bələdiyyələrin Birgə Fəaliyyəti, Birləşməsi, Ayrılması və Ləğvi haqqında" qanuna edilmiş dəyişikliklər əsasında, Konstitusiyanın 95-ci maddəsinə uyğun olaraq qəbul edilib.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
-
Azərbaycanın heyvandarlıq sektoru yerli istehsalda cüzi artım nümayiş etdirib, lakin ətin və süd məhsullarının idxalının kəskin artması ilə bağlı ciddi problemlərlə üzləşir. Dövlət Statistika Komitəsinin son məlumatları bu paradoksu əks etdirərək, yerli istehsalın artdığını, lakin idxalın daha sürətlə böyüdüyünü və davamlı qiymət artımları ilə müşayiət olunduğunu göstərir.
Rəy yaz