İki il sonra icbari sosial sığorta strukturunda işəgötürənin yükü azaldılacaq

2015-ci ildən sonra icbari sosial sığorta strukturunda işəgötürənin  yükü azaldıla bilər.

Dövlət Sosial Müdafiə Fondundan (DSMF) Turan-a bildiriblər ki, icbari sosial sığortaya ödmələrin dərəcəsi strukturunda dəyişikliklər təşəbbüsü ötən il irəli sürülüb, sənədlər Nazirlər Kabinetinə göndərilib. Bu gün sosial sığorta ödəmələri 25% təşkil edir, ondan 22%-i işəgötürənin maaş fondundan ödəyir, 3% isə işçinin öz maaşından tutulur. 

Dəyişikliklərə əsasən, dərəcələrin yığılmasının üçpilləli sistemi təklif olunur. Belə ki, əgər muzdlu işçinin maaşı üç minimal maaş səviyyəsindən aşağıdırsa (105 x 3 = 315 manat), bütün məbləğ özəl işəgötürən tərəfindən ödəniləcək. Bu qayda büdcə təşkilatları əməkdaşlarına şamil edilməyəcək. İşçinin maaşı 3 min manata qədər olsa, bu halda işverən sosial sığortaya müəssisənin maaş fondundan 18% ödəyəcək, işçinin öz maaşından 7% tutulacaq. İşçinin maaşı 3 min manatdan artıq olsa, sosial sığorta ödənişləri nisbəti belə olacaq: işverən - 15%, işçi - 10%.

Azərbaycanın pensiya sisteminin islahat konsepsiyası dörd məqamdan ibarətdir. 

Birincisi, - «pensiyanın baza hissəsi» anlayışı ləğv edilir, pensiyaların indeksləşdirilməsi sistemində dəyişiklik ötən ildə inflyasiyanın səviyyəsinə əsaslanır (hazırda baza pensiyası 100 manat təşkil edir və pensiyanın ümumi həcmini müəyyən etmək üçün əsas elementlərdən biridir, hazırda yalnız pensiyanın sığorta hissəsinin indeksləşdirilməsi olur).

İkincisi - maliyyə axınlarının differensasiyası. Hazırda DSMF-nun büdcəsi bu cür formalaşır: əvvəl illik xərclər müəyyən edilir, sonra fondun müstəqil gəlirləri müəyyən edilir. Fərq dövlət büdcəsindən transfertlər hesabına təmin edilir. Layihədə dövlətin və pensiya sisteminin öhdəliklərinin bölünməsi nəzərdə tutulur.

Fondun qiymətləndirilməsinə görə, belə bölünmə ona gətirib çıxaracaq ki, belə sistemin tətbiqindən 3-4 il sonra DSMF-in büdcəsində müəyyən profisit olacaq, bu vəsaitləri qiymətli kağızlar bazarında, investisiyaların digər elementlərində istifadə mümkün olacaq.

Üçüncü - sosial sığortalara ödəmələr üçün minimal məbləğin müəyyən edilməsi.

Dördüncü - sistemdə icbari ödəmələr üçün şəraitin yaradılmasıdır, bu zaman DSMF özəl pensiya fondları ilə yanaşı fondla əvvəlcədən razılaşdırılmış şərtlər əsasında pensiyaların ödənməsi üçün əhalidən vəsait qəbul etmək imkanı əldə edəcək. --17D-