![İqtisadçılar Elman Rüstəmovun bəyanatına şübhə ilə yanaşır](https://turan.az/resized/media/2016/main/121300177660-750-500-resize.webp)
İqtisadçılar Elman Rüstəmovun bəyanatına şübhə ilə yanaşır
Mərkəzi Bankın sədri Elman Rüstəmovun manatın 2017-ci ildə tam üzən məzənnəyə keçməsi ilə bağlı bəyanatı iqtisadçılar arasında birmənalı qarşılanmayıb.
İqtisadçı Natiq Cəfərli Turan-a deyib ki, dünyada tam və natamam üzən məzənnə anlayışı yoxdur.
«Əslində heç bir fərqi yoxdur. Onun bəyanatı o deməkdir ki, AMB valyuta ehtiyatını hərraca çıxarmayacaq», deyə o bildirib.
Onun sözlərinə görə, bundan sonra da manatın məzənnəsi inzibati yolla müəyyən ediləcək. «Üzən məzənnə üçün institusional əsas yoxdur. Bunun üçün QK bazarı, valyuta birjası lazımdır. Rusiyada 11 minədək şirkət valyuta hərracında dollar təklif edir və qiymət tələblə təklif əsasında formalaşır. Bizdə isə iki subyekt var: ARDNF və AMB», deyə o bildirib.
N.Cəfərli qeyd edib ki,Neft Fondu hərracda 50 mln təklif edir, tələb isə 500-600 mln dollardır. Demək, manatın məzənnəsi bir hərracda 20 dəfə düşə bilər. Amma bu, baş vermir, çünki məzənnə inzibati yolla müəyyən edilir.
«Elman Rüstəmovun bəyanatı o deməkdir ki, 2017-ci ildə manat sürətlə qiymətdən düşəcək. Amma hakimiyyət kəskin devalvasiyaya getmir. Çünki bu proses bank sektorunu çökdürə bilər», deyə o bildirib.
Digər iqtisadçı Samir Əliyev Facebook səhifəsində yazıb ki, yaxın dövrdə Azərbaycanda tam üzən məzənnəyə keçid mümkün deyil. Azərbaycan iqtisadiyyatının mövcud durumu ölkəni neftdən kənar dollarla təmin edəcək durumda deyil.
«Hələlik iqtisadiyyatın neftdən asılılıq səviyyəsi yüksəkdir və məzənnənin də sərbəst buraxılması məsələsi çətinlşir. Ona görə də Azərbaycanda ölkəni dollarla təmin edəcək kanallar qurulmayınca və ya gücü artırılmayınca tam üzən məzənnəyə keçid mümkün olmayacaq», deyə S.Əliyev qeyd edir. 71D
-
- İqtisadiyyat
- 13 Dekabr 2016 13:12
-
- İqtisadiyyat
- 13 Dekabr 2016 13:45
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz