Çərşənbə axşamı İstanbulda Türkiyənin baş naziri Rəcəb Tayyib Ərdoğan və Azərbaycan prezidenti İlham Əliyev Transanadolu qaz kəmərinin (TANAP) tikintisi üzrə sənəd imzalayıblar.
TANAP layihəsi üzrə hökumətlərarası sazişi Türkiyənin enerji və təbii ehtiyatlar naziri Taner Yıldız və Azərbaycanın sənaye və energetika naziri Natiq Əliyev imzalayıb.
Sonra Rəcəb Tayyib Ərdoğan və İlham Əliyev şahid kimi sənədin altına imza qoyublar.
Bundan sonra Taner Yıldız və ARDNŞ rəhbəri Rövnəq Abdullayev Türkiyə hökuməti ilə Trans Anadolu (Trans Anadolu Dogalgaz Boru Hatti Sirketi) qaz kəməri şirkəti qəbul edən ölkənin razılığı barədə sənəd imzalayıblar.
Rövnəq Abdullayev və BOTAS boru kəməri şirkətinin baş menecerinin müavini Mehmet Konuk TANAP üzrə qarşılıqlı anlaşma Memorandumunu imzalayıblar.
Qeyd edək ki, Azərbaycan prezidenti İlham Əliyev bir günlük işgüzar səfər çərçivəsində Qara dəniz İqtisadi Əməkdaşlıq Təşkilatının yubiley sammitində iştirak edib.
İmzalanma mərasimindən sonra Ərdoğan bildirib ki, "TANAP layihəsi iki ölkə arsında strateji münasibətləri dərinləşdirəcək və Türkiyə vasitəsilə Azərbaycanla Avropa arasında üzvi əlaqə yaranacaq".
* İlk dəfə bu kəmərin tikintisi barədə 27 oktyabr 2011-ci ildə məlumat verilib. Təşəbbüs ARDNŞ-dən gəlib. 29 dekabr 2011-ci ildə TANAP üzrə Memorandum imzalanıb.
** Turan-ın məlumatına görə, kəmərin tikintisinə 2014-cü ilin ikinci yarısında başlanılacaq və 2017-ci ilin IV rübündə işlər başa çatacaq. Kəmərin ilkin qiyməti $8 mlrd, uzunluğu 1880 km, ilkin gücü 16 mlrd m3, genişlənmək imkanı 32 mlrd m3-dir. Müfəssəl TİƏ 2013-cü ilin IV rübünə kimi hazır olacaq. --12В—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz