Dövlətstatkoma görə, bu ilin 7 ayında əhalinin aldığı qeyri-ərzaq mallarının həcmi 22,8%, ərzaq malları satışı həcmi isə 1,1% artıb. Satılan malların strukturunda ərzağın payı 56,5%-dir. Əvvəllər bu göstərici 65% idi.
«Azad İqtisadiyyata Yardım» QHT-nin rəhbəri Zöhrab İsmayıl Turan-a bildirib ki, rəsmi məlumatdan belə çıxır ki, əhali ərzaq mallarına yox, məişət malları, mebel, paltar və s. çox xərcləməyə başlayıb. «Hətta qeyri-ərzaq malları xərcləri kəskin artanda belə onların adambaşına istehlakı (ayda 65 manat) zəifdir», deyə ekspert düşünür. Onun fikrincə, Azərbaycan qeyri-ərzaq mallarına xərclərdə Avropa ölkələrindən dəfələrlə geri qalır.
Yanvar-iyulda əhalinin pərakəndə ticarət şəbəkələrində xərclədikləri vəsaitin 5,4 milyard manatı ərzaq məhsullarının, 4,2 milyard manatı qeyri-ərzaq mallarının alınmasına sərf olunub. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz