İyul ayinda təkrar mənzil bazarinda qiymətlər 1,4% ucuzlaşib

İyul ayında paytaxtın Təkrar Mənzil Bazarında (TMB) qiymətlər ötən ayla müqaisədə orta hesabla 1,4% ucuzlaşıb. Qiymət ucuzlaşması daha çox şəhərin mərkəzində-2,3%, Nizami rayonunda-1,7%, Yasamalda isə-1,3% qeydə alınmışdır.  Əmlak Bazarı İştitakçıları” İctimai Birliyinin hesablamalarına görə hal-hazırda mənzillərin orta qiymət indeksi təxminən 1 kv/m üçün-986 ABŞ dolları təşkil edir. İyul ayı ötən aylara nisbətən bazardakı aktivliyin nisbətən aşağı düşməsi və bağlanan əqdlərin dinamikasındada azalma hallarının müşahidə edilməsi ilə xarakterizə olunmuşdur.  İyul ayında aktivlik əmsalına görə ən cəlbedici rayonlar ötən ayda olduğu kimi, Xətai və Yasamal rayonları olub. Son bir ayda 4 və 5 otaqlı mənzillərin sayında azalma baş verib. Təklif üzrə ən çox azalma 4 otaqlılar üzrə qeydə alınıb. 1, 2 və 3 otaqlı mənzillərin təklif üzrə payında isə artım müşahidə olunub. 

TMB-da çalışan mütəxəssislər son bir aydaki qiymət ucuzlaşmasını əsasən mövsümi amillərlə və eləcədə son aylarda ipoteka kreditləşməsinin zəif olması ilə əlaqələndirirlər. TMB-nı araşdıran ekspertlərdən biri son bir aydakı vəziyyəti belə şərh etdi: “ Mövsümlə əlaqədar olaraq insanların daha çox istirahətə meyl etməsi TMB-dakı aktivlikdə öz əksini tapmaqdadır. Bazardaki aktivliyin azalmasl əlbəttəki qiymətlərdə də ucuzlaşmaya səbəb olmuşdur. Mövsümün sonunadək bazardakı sabitliyin davam edəcəyi, lakin payız aylarından yenidən nisbi aktivliyin artması gözlənilir. Yaxın günlərdə qiymətlərin əsasən sabit qalması proqnozlaşdırılır.