![Kartof idxalı iki dəfə artıb](https://turan.az/resized/750/500/resize/media/2015/main/030700109112.jpg)
Kartof idxalı iki dəfə artıb
2014-cü ildə kartof idxalının rəsmi həcmi 129,6 min ton olub. Bu, 2013-cü ildəkindən (65 min ton) iki dəfə çoxdur. Daxili pərakəndə bazarda orta hesabla 1 dollardan baha satılan kartofun (Dövlətstatkom) 1 kq-ı gömrükdə 6 sentdən (toxumluq, dondurulmuş, konservləşdirilmiş və üyüdülmüş kartof nəzərə alınmadan) sənədləşdirilir.
Gömrük Komitəsinin məlumatına görə, ötən il kartof gömrükdə 2013-cü ildəkindən 5 sent ucuz bəyan edilib.
Kartof əsasən Rusiya - 52,1 min ton, İran – 23 min ton, Niderland – 18 min ton, Gürcüstan - 6,7 min ton, Litva – 7,1 min ton, Misir - 2,1 min ton, İsveç – 3,1 min ton, Türkiyə və Belarusdan (hərəsi 2 min ton) idxal edilir.
Dövlətstatkomun məlumatına görə, ötən il ölkədə 819,3 min ton kartof istehsal edilib. Bu, əvvəlki ildəkindən 17,5% azdır. İstehsal quraqlıq üzündən azalıb. 2014-cü ildə məhsuldarlıq 1 ha-dan 133 sentner (-12,5%) olub.
Ötən il Azərbaycandan 49 min 475,6 ton kartof ixrac edilib. Bunun 98,9%-i Rusiyaya göndərilib. İxrac 8,3% azalıb. İxrac qiyməti daha ədalətlidir - 0,64/$/kq. İxracatçılar bu əməliyyatlardan $32 mln əldə edib. Bu, 2013-cü ildəkindən $10,5 mln çoxdur.
Rəsmi məlumata görə, Azərbaycanda bir nəfərə kartof istehlakı ildə 64 kq-dan çoxdur. İdxaldan asılılıq – 7,7%-dir (2013-cü il). Bir çox mütəxəssislər daxili istehsal barədə məlumatları şişirdilmiş, idxal həcmini azaldılmış hesab edirlər. Onların fikrincə, tələbatın ən azı dörddə biri idxal hesabına təmin edilir. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz