“ULTRA Tecnologies” şirkəti, “Bakı Metropoliteni” Qapalı Səhmdar Cəmiyyətində 1C 8.3 üzərində Maliyyə və Mühasibat uçotunun avtomatlaşdırılması məqsədi ilə metropolitenlə əməkdaşlığa başlayıb.
Bu strukturun saytında deyilir ki, yeni proqram müəssisənin əsas vəsaitlərinin və qeyri maddi aktivlərinin, mal-material və azqiymətlilərinin uçotunun aparılması, statistik və digər hesabatların hazırlanması, müəssisənin əməkdaşlarının əmək haqqlarının hesablanması və ödənilməsi, ümumiyyətlə maliyyə məlumatların sistemləşdirilməsinə imkan yaradacaq. Bundan əlavə, tikinti işlərinin smetasının tərtibi, pul vəsaitlərinin idarə olunması, izlənməsi, xərclərin qruplaşdırılması, smeta üzrə qalıq hesabatların hazırlanması, qəbul edilmiş obyektlərin balansa götürülməsi və s. də sistemin yaratdığı funksional imkanlardır. Bu sistem Metropolitenin tabeliyində olan baş idarənin və 26 qrumun işinin vahid mərkəzdən idarə edilməsinə imkan verəcək. Şirkət analitikləri bildiriblər ki, sistemin tətbiqi nəticəsində “Bakı Metropoliteni” Qapalı Səhmdar Cəmiyyəti maliyyə, uçot siyasətinin effektivliyinin təşkil olunması və optimallaşdırılması, beynalxalıq İFRS hesabatlarına keçid və digər üstünlüklərə malik olacaq.
1C 8.3 Platforması əsasında büdcədən maliyyələşən təşkilatlar üçün Maliyyə və Mühasibat uçotunun avtomatlaşdırılması sistemi İqtisadiyyat və Sənaye Nazirliyi, Ədliyyə Nazirliyi, Ədliyyə Nazirliyinin Ekspertiza İdarəsi, Rabitə və Yüksək Texnologiyalar Nazirliyinin BƏHM, ASAN Xidmət, “Azərsığorta” və Mərkəzi Bankda tətbiq edilib. --17D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz