Mitsubishi Electric-in Avropa direktoru: «Azərbaycanla əməkdaşlığa hazırıq»

Azərbaycan kənardan karbohidrogen ehtiyatları ilə zəngin ölkə kimi görünsə də, geniş şaxələnmə potensialına malikdir, - deyə “Azərbaycan-Yaponiya kosmik sektor seminarı”nda Mitsubishi Electric Europe B. V. (Mitsubishi Electric-in Avropa istiqaməti) icraçı direktoru Takaşi Sasakava bildirib. 

Onun sözlərinə görə, yaponiyalı mütəxəssislər Azərbaycanın kosmik sahədə inkişafını öz gözləri ilə görməlidir. Sasakava bildirib ki, Mitsubishi Electric-in uğurları 7 əsas prinsipə əsaslanan fəlsəfə ilə müəyyən edilir: etimad, keyfiyyət, texnologiya, sosial məsuliyyət, çeviklik, ətraf mühitin qorunması və artım. Yaponlar Mitsubishi-nin şəxsində yerli sahibkarlara çox şey öyrədə bilər. Əgər əvvəllər korporasiyanın maliyyəsi bütün iqtisadiyyat növlərinə bölünürdüsə, struktur islahatları əas biznes növlərinə istiqamətlənmək imkanı verib. Yaxşı inkişaf, maliyyə sağlamlığı var. Bunlar səhmlərinin bazar kotirovkasında əksini tapıb. J. P. Morgan, UBS, Mizuho və Goldman Sachs onları tövsiyə edir.  Korporasiyanın Avropa istiqaməti Moody International-dan ISO14001 sertifikatı alıb. Moody's Mitsubishi Electric-in statusunu A2-yə yüksəldib. Nəticədə qiymətli kağızların kotirovkası Yaponiyanın başqa elektronika istehsalçılarını qabaqlayıb. 

Mitsubishi Electric-in Avropa biznesi  ötən əsrin 60-cı illərindən sonra aktiv olub. Bu zaman Köhnə Dünyanın alıcılıq qabiliyyətinə stavka edilir. Burda bazar davamlı, inkişaf etmiş, rəqabətli və tələbkardır. Yüksək keyfiyyətli mal satmaq olar. Ona görə güclü satış strukturunun yaradılması və  inkişafına diqqət yetirilir. Avropada servis və xidmət sisteminin inkişafı da yüksək səviyyədədir. 

Vizual informasiya sistemi, təhlükəsizlik priyektorları, fotoavadanlıq, avtomobil elektronikası, müəssisələrin avtomatlaşdırılması sistemi, yarımkeçiricilərə və s. böyük tələbat var. Bu bazarda iştirakı gücləndirmək üçün yaxın vaxtlarda foto qalvanik elementlər çıxarmağı planlaşdırırıq. Alternativ enerji mənbələrinin populyarlığı ilə bağlı onlara tələbat artır. 

Takaşi Sasakava əminlik bildirib ki, Azərbaycan istehlakçısının səviyyəsi yüksələcək, Azərbaycan-Yaponiya işgüzar əlaqələrinin yaxşı gələcəyi olacaq. Azərbaycanda aerokosmik tədqiqatlarla bağlı o bildirib ki, Mitsubishi Electric yaponiyada aparıcı avadanlıq və qabaqcıl texnologiya istehsalçısıdır, bir çox layihələrin subpodratçısıdır. Şirkət 500 beynəlxalq peykin yaradılmasında iştirak edib. 

Nümunə kimi o, 2003-cü ildə Yaponiyanın «Hayabusa» (sapsanın yapon variantı) kosmik gəmisinin buraxılmasını göstərib. İki il sonra onun bort robotu İtokava asteroidindən yerə qrunt nümunəsi göndərib. Korporasiya həmçinin ST-2 peykini hazırlayıb. 

Onun sözlərinən görünür ki, Azərbaycanın Yaponiya ilə əməkdaşlığı sərfəlidir. Kosmik sahə istisna deyil, məsuliyyət böyükdür – burda özəl müştəri olmur, hökumət sifarişləridir. Azərbaycan yenicə kapitalizmə daxil olub və aparıcı yapon şirkətlərinin təcrübəsinə ehtiyac var. --17D—