"Paşa Həyat Sığorta" şirkəti iki ölüm halına görə 98 min 9 manat ödəniş edib.
““PAŞA Həyat”da sığortalanmış iki işçi (iki müxtəlif sığortalı müəssisələrin əməkdaşları) istehsalat zamanı bədbəxt hadisə nəticəsində həyatlarını itirib. Müxtəlif vaxtlarda baş vermiş bədbəxt hadisələrə görə ümumilikdə 98,009 min manat həcmində sığorta ödənişi verilib. Belə ki, şirkət tərəfindən sığortalandığı müəssisələrdə istehsalat zamanı vəfat etmiş şəxslərin ailələrinə müvafiq olaraq 66,504 min manat, 31,505 min manat həcmində birdəfəlik ödənişlər həyata keçirilib”, deyə şirkətin press-relizində bildirilir.
Təəssüf ki, şirkət yalnız YNH nəticəsində zərərçəkənlərə ödənişlər barədə məlumatları açıqlayır, müəssisə və istehsal sahələrinin adları açıqlanmır. Məlumatlı mənbələr bildirir ki, bədbəxt hadisələr olan zavodlar neft emalı sənayesinə aiddir.
Hələlik ötən il üçün məlumatlar açıqlanmayıb. 2012-ci ildə Neftçilərin Hüquqlarını Müdafiə Komitəsi neft sektorunda 59 bədbəxt hadisə qeydə alıb. Bu zaman 13 nəfər həlak olub. ARDNŞ bir çox məlumatları, o cümlədən istehsalat zədələri barədə məlumatları açıqlamır. “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında qanun” 2010-cu ilin iyununda təsdiqlənib. 17 dekabrda Maliyyə Nazirliyi normativ-hüquqi sənədləri təsdiqləyib. «Paşa Həyat Sığorta» 2011-ci ilin fevralında faktik fəaliyyətə başlayıb.
Təsisçisi «Pasha Holding» kommersiya strukturu, nizamnamə kapitalı 25/,2 mln manatdır. Bu ilin 5 ayında 14,9 mln mükafat toplayıb, 380 min manat ödəniş edib. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz