Ölkədə ərzaq təhlükəsizliyi sıfırdır

Çoxsaylı zəhərlənmələrlə bağlı İstehlakçıların Hüquqlarını Müdafiə Cəmiyyəti mətbuat konfransı keçirib. 

      Təşkilatın eksperti Sənan Kərimovun sözlərinə görə, rəsmi məlumata əsasən, yayda 283 qida zəhərlənməsi olub. 245 nəfər xəstəxanalara yerləşdirilib. Qeyri-hökumət mənbələri 616 belə hal qeydə alıb. Maarifçilik işi zəif olduğu üçün qida zəhrələnmələri ölümlə nəticələnir. 

      Dövlət institutları isə lazımi maraq göstərmir. Belə ki, müstəqillik illərində ölkədə yeyinti məhsullarının keyfiyyəti üzrə bir menecer də hazırlanmayıb. Bu sahədə institut bir yana, texnikum, TPM də yoxdur. 

      Standartlaşdırma Komitəsi və İqtisadi İnkişaf Nazirliyi formal olaraq mağazaları və anbarları yoxlayır. Əslində torpağın kultivasiyasından başlamış bütün texnoloji zəncir yoxlanmalıdır. 

      Un məhsullarının nümunəsində ekspert bildirib ki, ölkədə beynəlxalq standartlara uyğun, keyfiyyətli çörək yoxdur. Fermerlərin taxıl saxlanması şəraiti da məqbul səviyyədə deyil. Bir kisə un 18 manata qaldırılıb, onlarda 50 kq un olmur. Standarta görə, 100 kq undan 130 kq çörək bişirilir. Amma su, duz, başqa inqridientlər qatılmaqla daha çox çörək bişirilir. Çörəkdə qırmızı qabıq yaransın deyə naməluim mənşəli yağ çəkirlər. Xəmir uzun müddət turşuyur. Elementar sanitar normalara əməl olunmur, - deyə ekspert bildirir. 

      Bir yol var -  HACCP standartı (qida və farmokoloji təhlükəsizliyə profilaktik yanaşma, istehsal prosesində təhlükənin fiziki, allergik, kimyəvi və bioloji parametrlərini müəyyən edir) qəbul edilməlidir. Bunsuz Azərbaycan ÜTT-yə üzv qəbul edilə bilməz. İndiki hazırlıqla bu ölkələr sırasına düşsək, ixrac hüququ olmayan idxalçı olacağıq. İstehlakçıların Hüquqlarını Müdafiə Cəmiyyəti USAİD-lə birgə yerli məhsullar üçün vahid sertifikat hazırlayacaq. 

       Azərbaycan keyfiyyətli və ekoloji təmiz kənd təsərrüfatı məhsulu istehsalı üçün zəngin təcrübəyə malikdir. Dövlət vəsaitlərini güclü ASK yaratmağa yönəltmək lazımdır, - deyə mütəxəssis düşünür. –17С—