Potensial pensiyaçıların 60%-i DSMF-nun elektron xidmətlərindən məlumatı var

Respondentlərin 57%-dən çoxu Azərbaycan Dövlət Sosial Müdafiə Fondunun İnternet-resursu vasitəsilə göstərilən elektron xidmətlərin istifadəçisidir. Bu dövlət strukturunun virtual səhifəsində keçirilən növbəti sorğu nəticəsində məlum olub. 

Fondun rəhbəri Səlim Müslümovun ötən gün «Rossiyskaya qazeta»ya  verdiyi müsahibədə (http://www.rg.ru/2013/09/24/muslimov.html) bildirib ki, icbari dövlət sosial sığortanın fərdi uçot sistemində 1,27 mln-dan artıq pensiyaçı, həmçinin sosial sığorta ödənişləri edən 2,62 mln işçi barədə məlumat var. Göstəricilərin artırılması üçün icbari ödəmənin faiz nisbəti dəyişməlidir – bu gün sosial sığortaya görə ödənişlərin ümumi dərəcəsi 25%-dir, onun 22%-i işverənin üzərinə düşür, 3%  isə işçinin əmək haqqından çıxır. Pul dövriyyəsinin «kölgədən» çıxmasına və işçilərin konvertdə əmək haqqından imtinasına işverən və işçinin pay iştirakının mütərəqqi şkalası imkan yarada bilər – işçinin əmək haqqı artdıqca onun ödəmələrdə payı da artır. «Sosial sığorta tariflərinin yeni sistemininin 2014-ci ildən tətbiqinə başlayacağımız mümkündür», - deyə Müslimov bildirib. 

Onun sözlərinə görə, Azərbaycanda icbari yığım komponentinin tətbiqi risklidir, ona görə də pensiyaların hesablanmasının qarışıq bölüşdürücü-yığım sistemi tətbiq edilib. Bununla belə, ölkəyə qeyri-dövlət pensiya fondlarının müəssisələrini nəzərə alan müasir standartlara cavab verən yeni qanunvericilik lazımdır. --17D—