PWC şirkəti Azərbaycan üzrə «CEO Survey 2016» hesabatını açıqlayıb

PwC şirkəti aprelin 26-da Azərbaycanın ən iri şirkət rəhbərləri arasında «CEO Survey 2016».sorğusunun təqdimatını keçirib.

İqtisadiyyatın 10 sektorunu (neft, qaz, telekommunikasiya, maliyyə, pərakəndə satış və s.) təmsil edən 32 şirkət dünya iqtisadiyyatındakı tendensiyalar və onun bizneslərinə təsiri, biznes mühitinin vəziyyəti, sahibkar dairələrinin ovqatı barədə 40 suala cavab veriblər. «Ənənəvi olaraq keçiriləcək ilk sorğuda məqsəd dünya iqtisadiyyatındakı qanunauyğunluqların və onların həlli üçün siyasətçilərin oriyentirlərinin müəyyən edilməsidir», PwC-nin icraçı tərəfdaşı Mövlan Paşayev bildirib.

Azərbaycandakı şirkətlərin Müşahidə Şuralarının sədrləri hesab edirlər ki, biznesin ən kəskin problemi dövlət borcunun olması, milli valyutanın məzənnəsinin dəyişkənliyi, siyasi qeyri-müəyyənlikdir.

«Aralarında dövlət və xarici şirkətlərin nümayəndələri də olan respondentlərin dörddə üçü qeyd edib ki, hazırda biznes üçün təhdidlər 3 il əvvəlkindən böyükdür. Rəyi soruşulan şirkətlərin dörddə biri hesab edir ki, qlobal iqtisadiyyatın artım tempinin yüksəlməsi 12 ay ərzində baş verə bilər», deyə Paşayev bildirib.

Sorğu hökumətin hərəkətlərinin effektivliyini ölçməyə imkan verir. Azərbaycan sahibkarları vergiqoyma sahəsində islahatların keçirilməsini, dövlət gəlirlərinin bölüşdürülməsini və kadrların ixtisasının artırılmasını vacib hesab edir. 

Sorğu 2015-ci ilin sentyabr-noyabr aylarında keçirilib. O vaxtdan ölkədə biznesə təsir edən ciddi siyasi iqtisadi proseslər baş verib. PwC hesab edir ki, ona görə də bu digər mənzərəni gözləmək olar. 

Sənəd hökumətə və AR prezidentinin islahatlar üzrə köməkçisinə təqdim ediləcək. Bu sorğu PwC-in keçiridiyi dünya CEO Survey-in bir hissəsidir, onun nəticələri illik Davos iqtisadi forumunda təqdim edilir. --08C