Qubad İbadoğlu: «Dövlət Neft Fondunun siyasəti digər büdcə təşkilatları üçün nümunədir»

2016-cı ilin 9 ayında Azərbaycan Dövlət Neft Fondunun fəaliyyətində müsbət tendensiyalar nəzərə çarpır. Ekspert Qubad İbadoğlu belə hesab edir .

Turan məlumat verir ki, o, Facebook səhifəsində qeyd edib ki, Fondun aktivlərinin və valyuta idarəetməsindən gəlirlərinin əhəmiyyətli artımı, xərclərinin kəskin azalması təqdir olunmalıdır.

“Dövlət Neft Fondunun (ARDNF) məlumatının təhlili göstərir ki, hesabat dövrü ərzində Fondun valyuta məzənnələrinin dəyişməsindən yaranan büdcədənkənar gəliri 2,6 milyard manat olub. Bununla yanaşı bu il ərzində Fondun aktivləri 2,3 milyard dollara qədər artıb”, - ekspert  yazıb

Q.İbadoğlu qeyd edib ki, ARDNF-nin aktivləri 12 növ müxtəlif valyutalardan ibarət səbətdə saxlanılır. Belə ki, aktivlərin 47,6%-i ABŞ dolları, 35,3%-i avro ilə, 5,3%-i manatla, 4,9%-ii ingilis funtu ilə, 3,8%-i qızılla, 1,5%-i rus rublla, 1,4%-i Çin yuanı ilə, 1,3%-i Koreya vonu ilə, 1,2%-i türk lirəsi ilə, 1,1%-i yapon ienası ilə, 0,6%-i Avstraliya dolları ilə və digər valyutalarda saxlanılır.
  Fondun aktivlərinin 68,6%-i inkişaf etmiş ölkələrdə, 28,8%-i inkişaf etməkdə olan ölkələrdə, 2.6%-i isə beynəlxal maliyyə intitutlarında yerləşdirilib.

ARDNF-nin investisiya portfelinin coğrafi regionlar üzrə təsnifatı göstərir ki, vəsaitlərin 41,6%-i Avropada, 27,3%-i Asiyada, 24,1%-i ABŞ-da, 3,9%-i Avstraliyada və yerdə qalan 0,5%-i isə digər regionlardadır. 

Hazırda Fndun vəsaitlərinin 79,3%-i çox aşağı faizlə (1%-ə  qədər) sabit gəlirli istiqrazlara və pul bazarı alətlərinə 11,6%-i səhmlərdə, 5,3%-i əmlakda və 3,8%-ii qısıla investisiya olunub.
         “Bu ilin 9 ayında Fondun vəsaitinin idarə olunmasından əldə edilən gəlirlər 734,8 milyon manat təşkil edib ki, bu da manat ifadəsi ilə ötən ilin eyni dövründən 15 dəfəyədək, dollar ifadəsi ilə 10 dəfəyədək çoxdur”, - Q.İbadoğlu yazıb.

Ekspert qeyd edib ki, ARDNF-nin cari siyasətindəki müsbət dəyişikliklər yalnız aktivlərinin və vəsaitlərinin idarə olunmasından əldə edilən gəlirlərinin artımı ilə xarakterizə edilmir, eyni zamanda Fondun büdcəsinin xərclər hissəsində rasionallaşma da müşahidə olunub.

“2016-cı ildə dövlət büdcəsinə cəmi 3,26 milyon manat vəsait köçürülüb ki, bu da ötən illə müqayisədə 42,3% azdır və bu il üzrə proqnozun 47,2%-ni təşkil edir”, - iqtisadçı vurğulayıb.

Onun fikrincə, ARDNF çətin iqtsiadi və maliyyə durumunda xeyli müsbət nəticələr əldə edib.

“Aktivlərin və valyuta idarəetməsindən gəlirlərin əhəmiyyətli artımı, xərclərin, xüsusilə də idarəetmə xərclərinin kəskin azalması menecmentin düzgün qurulması və məsrəflərin rasionallaşdırılmasının göstəricisidir. Bu,  təqdir olunaraq digər büdcə təşkilatları üçün nümunə kimi təqdim edilməlidir”, - Q.İbadoğlu yazıb.71В