Sahibkarlıq subyektlərinin yoxlanılmasına qoyulan qadağa istehsalatda bədbəxt hadisələrin sayına təsir edib

2015-ci ilin noyabrın 1-dən qüvvədə olan sahibkarlıq subyektlərinin iki illik yoxlamasına qoyulan qadağa istehsalatda bədbəxt hadisələrin sayına mənvi təsir edib, - bunu bu gün jurnalistlərə əmək və əhalinin sosial müdafiə naziri Səlim Müslümov deyib.

Onun sözlərinə görə, səbəb odur ki, bu sahəyə nəzarət edən dövlət əmək müfəttişliyi də səyyar yoxlamalara çıxa bilmir.  

“Biz dəfələrlə sahibkarları, o cümlədən bu acınacaqlı göstəriciyə görə “liderlik edən” tikinti şirkətlərini əməyin təhlükəsizlik texnikasına riayət etməyin vacibliyi barədə, həmçinin qaçılmaz cinayət məsuliyyəti barədə xəbərdar etmişik, ancaq təəssüf ki, bizim dediklərimiz nəzərə alınmır”, - deyə o bildirib.

Nazir sığorta şirkətləri hesabına əməyin təhlükəsizliyi fondunun yaradılmasının zəruriliyindən də danışıb, sığorta şirkətləri onsuz da işəgötürənlərlə müqavilə olduğu halda istehsalatda sübut olunan bədbəxt hadisələr zamanı kompensasiya ödəyir.

Müslumovun sözünün təsdiqi kimi, paytaxtın Nəsimi rayon Polis İdarəsi məlumat verir ki, Bakıda Rəşid Behbusov küçəsində binanın inşası zamanı qəza baş verib – qaldırıcı kranın nasazlığı nəticəsində daşlar səkiyə tökülüb.

Yoldan keçənlər səhlənkarlığın qurbanı olub. Bədbəxt hadisə nəticəsində 1 nəfər şok keçirib, 3 nəfər müxtəlif dərəcəli xəsarətlərlə özəl klinikaların birinə çatdırılıb.

Son rəsmi məlumata görə, iyunun 1-i üçün bədbəxt hadisələr nəticəsində istehsalatda 106 nəfər xəsarət alıb, 57 nəfər ölüb. Bu, ötən ilin eyni dövründəkinn 2,5 dəfə çoxdur. Bədbəxt hadisələrin çoxu tikinti sektorunda və hasilat sənayesində qeydə alınıb. --17D—