arxiv
Prezident İlham Əliyev Serbiyanın baş naziri Aleksandr Vuçiçin başçılıq etdiyi nümayəndə heyətini qəbul edib.
Baş nazir aprelin 13-də Azərbaycanla Serbiya arasında ikitərəfli, o cümlədən iqtisadi münasibətlərə yeni impuls vermək üçün 3 günlük səfərə gəlib.
Tərəflər müxtəlif istiqamətlərdə, o cümlədən enerji, infrastruktur, sərmayə qoyuluşu, yükdaşımaları, mədəni, humanitar və digər sahələrdə əməkdaşlığın yüksək səviyyəsini və genişləndirilməli olduğunu qeyd ediblər.
Əliyev və Vuçiç Azərbaycan və Serbiyanın ərazi bütövlüyünün qorunması ilə bağlı fikir mübadiləsi də ediblər.
Tərəflər bu problem üzrə və digər siyasi aspektlərdə BMT və başqa beynəlxalq strukturlarda aktiv şəkildə əlaqəli fəaliyyət göstərir. İqtisadi münasibətlər barədə bunu demək olmaz. İntensiv rəsmi təmaslara baxmayaraq, iki ölkə arasında ticarət dövriyyəsi ötən il 4 mln həddində olub.
İnvestisiyalarda Serbiya daha çox maraqlıdır və Vuçiç Bakı biznes forumuna infrastruktur, aqrar layihələr üzrə təkliflər gətirib.
Azərbaycan həmçinin Serbiyada iri infrastruktur layihələrindən olan Liq-Prelin avtomagistralının «Koridor -11» sahəsinin inşasında iştirak edir. Rəsmi Bakı Serbiyaya layihə üçün 25 illiyə illik 4%-lə 308 mln avro ayırıb.
Serbiya Balkanlarda Azərbaycanla bağlı TAP, TANAP kimi layihələrdə iştirak etmək istəyir. Belqrad Moskva və Ankara ilə də aktiv danışıqlar aparır.
Amma Serbiyanın təşəbbüsləri Azərbaycanda soyuq qəbul edilə bilər. Martda dövlətin maliyyələşdirdiyi Siyasi İnnovasiyalar və Texnologiyalar Mərkəzinin rəhbəri Mübariz Əhmədoğlu Serbiyanın Azərbaycana olan imitasion dəstəyindən narazılıq ifadə edib. O, qeyd edib ki, Serbiya ATƏT-də sədrliyi zamanı ərazi bütövlüyünə dəstək məsələsini prioritetlər sırasına salmayıb.
«Serbiya əvvəlki standart formatları dəstəkləməyi vəd edir. Əvvəlki formatlar Qarabağ münaqişəsini dinc yolla tənzimləməyə imkan vermir, imitasiya şəraiti yaradır. Serbiya Azərbaycandan investisiya cəlb edir və onların artacağına inanır. Buna baxmayaraq, o, sədrliyə başlayandan sonra heç nəyi dəyişə bilmədi», deyə o bildirib.—0—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz