![SOCAR Cenevrə nümayəndəliyini bağlayıb, yalnız biznes-strukturları saxlayıb](https://turan.az/resized/media/2016/main/052600157347-750-500-resize.webp)
SOCAR Cenevrə nümayəndəliyini bağlayıb, yalnız biznes-strukturları saxlayıb
Azərbaycan Dövlət Neft Şirkəti (SOCAR) Cenevrə nümayəndəliyini bağlayıb.
Azərbaycanın İsveçrədəki səfiri Əkrəm Zeynallının “Naşa qazeta” nəşrinə müsahibəsinə görə, xərclərin optimallaşdırılması və müxtəlif bölmələrin restrukturizasiyası son bir il yarım müddətdə neftin dünya qiymətinin gözlənilmədən təxminən üç dəfə etməsi ilə əlaqədardır.
SOCAR İsveçrədə üç müxtəlif qurumla təmsil olunub: rəsmi nümayəndəlik, həmçinin SOCAR Trading və SOCAR Energy Switzerland şirkətləri. SOCAR Energy Switzerland ölkə boyunca şəbəkəni genişləndirməklə İsveçrədə yanacaqdoldurma şəbəkəsini idarə edir.
Diplomatın dediklərinə görə, hazırda dövlət şirkəti müxtəlif ölkələrin iqtisadiyyatına investisiya qoyur. Buna misal kimi, 2011-ci ildə Esso yanacaqdoldurma stansiyaları şəbəkəsinin ExxonMobil-dən alınmasını göstərmək olar. Hazırda SOCAR-ın yanacaqdoldurma stansiyaları şəbəkəsi 160-a yaxın stansiyanı birləşdirir.
Azərbaycanda yeganə neft məhsulları istehsalçısı olan SOCAR yerli AZS şəbəkəsini nəzərə almasaq, Gürcüstan, Rumıniya və İsveçrədə yanacaqdoldurma stansiyalarına sahibdir.
Rəsmi məlumatlara görə, ötən il SOCAR 1,23 mln. ton neft məhsulu ixrac edib (2014-cü illə müqayisədə +0,3 mln.). Aprelin 1-i üçün 350 min ton neft məhsulu (+1,4 min) ixrac edilib.--17D—
-
- İqtisadiyyat
- 26 May 2016 12:57
-
- İqtisadiyyat
- 26 May 2016 13:08
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz