Standard&Poor"s Azərbaycanın investisiya sabitliyi reytinqini ВВВ- səviyyəsində təsdiq edib

Azərbaycan Standard&Poor's reytinq agentliyindən ВВВ- /sabit/ А-3 səviyyəsində investisiya reytinqi alıb. Bu, Peru, Kolumbiya və bir sıra neft hasil edən ölkələr səviyyəsindədir. 

Yerli büdcənin profisiti 10% gözlənilir. Əhalinin və büdcəçilərin Rusiya və Qazaxıstan ilə müqayisədə az olması ilə bağlı hökumətin xalis aktivləri ÜDM-in 59%-i qədər ola bilər. Ötən il o, 53% idi. 

Agentliyin rəyinə əsasən, bu il neft ucuzlaşmayacaq, əksinə, $100 və daha baha olacaq. Beləliklə, ölkənin tədiyə balansı yaxşılaşacaq. Büdcə xərclərində Neft Fondunun xüsusi rolu var O, yerli büdcəni maliyyələşdirir və xaricdə $10 mlrd-dan çox aktivləri var. 

Agentliyin rəyinə əsasən, hökumət neft hasilatının azalması, iqtisadi artımın 0,1% olması ilə barışmayacaq. “Azəri-Çıraq-Günəşli”də texniki işlər bitəndən sonra ÜDM artımı 3% olacaq. Agentlik iqtisadiyyatın diversifikasiyasını tövsiyə edir. 

İqtisadiyyatın diversifikasiyası səviyyəsi aşağıdır. Ötən il neft və neft məhsullarının payı ixracatın 92%-i (ÜDM-in 40%-i) qədər olub. Rusiyada bu göstərici 64%, Qazaxıstanda 60%-dir. Karbohidrogenlər Qazaxıstanda ÜDM-in 25%-dir. Analitiklər ona görə MDB ölkələri ilə müqayisə aparır ki, başqa neft hasil edən dövlətlərdə iqtisadiyyat daha çox şaxələnib. 

Əgər 2005-10-cu illərdə adambaşına ÜDM 17% artıbsa, 2012-14-cü illərdə 3,2% artacaq. 

İlin sonu üçün illərdə adambaşına ÜDM $7 min 063 (demə, 5 nəfərlik ailə ayda $3 min qazanır) olacaq. Bu, Rusiya və Qazaxıstandakından bir dəfə yarım azdır. 

Ölkə xammal ixracından asılı olduğu üçün xarici stresslərə həssasdır, deyə Standard&Poor's bildirir. Vəziyyəti birbaşa xarici investisiyalar (xüsusən neft-qaz sektoruna) yumşaldır. Bundan başqa, ölkənin xarici borca ehtiyacı deyilən ölkələrdən azdır, deyə agentlik bildirir. Əksinə, ölkə investisiya ekspansiyası ilə məşğuldur. --17D—