TANAP Azərbaycanda 2013-cü ilin prezident seçkilərindən sonra tikilə bilər

Transanadolu qaz kəməri (TANAP) layihəsinin tikintisi 2014-cü ilə keçirilib, deyə ötən həftə İstanbulda ARDNŞ prezidenti Rövnəq Abdullayev bildirib. 

Bu il sentyabrın 15-də Bakıda Abdullayev jurnalistlərə demişdi ki,  "bir sıra məsələlərdə müsbət nəticələr var, ona görə 2013-cü ilin sonuna kimi TANAP çərçivəsində tikinti işlərinə başlanılacaq". Görünür, ARDNŞ uzunluğu 1790 km, I növbəsinin gücü 16 mlrd m3 qaz olan kəmərin tikintisinə əvvəl deyilən müddətdə başlaya bilməyəcək. 

Bu gün ARDNŞ hesab edir ki, bütün hazırlıq işləri cədvəl üzrə gedir və kəmərin tikintisinə 2014-cü ilin ortalarında başlamaq olar. 

Abdullayevin sözlərinə görə, hazırda layihələndirmə, borunun keçəcəyi torpaq sahələrinin müəyyən edilməsi işləri aparılır, ətraf mühit və sosial sahəyə təsir üzrə raportlar hazırlanır. 

2012-ci ilin avqustunda Niderlandda TANAP Co şirkəti qeydiyyata alınıb, oktybarda onun Türkiyə şöbəsi işə başlayıb. 

Bu gün  TANAP Co səhmdarları bunlardır: ARDNŞ (80%), BOTAS (10%) və TPAO (10%). Sentyabrda ARDNŞ rəsmən "Şahdəniz" üzrə əsas tərəfdaşlara öz payının bir hissəsini təklif edib. Oktyabrın sonunda ВР, Statoil və Total bildirib ki, TANAP-da 12%, 12% və 5% payla işləməyə hazırdırlar. Amma hələlik ARDNŞ payının alqı-satqı müqaviləsi bağlanmayıb. ВР-nin son bəyanatına əsasən, "onlar inanırlar ki, 2012-ci ilin sonuna kimi bu məsələ həllini tapacaq".

İlkin məlumata görə, TANAP-ın tikintisi 34-36 ay çəkəcək. Qərb mütəxəssislərinin fikrincə, bu cür kəmərin tikintisi üçün (ilkin olaraq) 8 mlrd avro tələb olunur. Kəmər elə layihələndirilir ki, onun gücünü iki dıəfə artırmaq mümkün olsun: 2022-ci ildə 24 mlrd m3, 2025-2026-cı illərdə 32 mlrd m3. --12В—