Tariflərin artırılması ailə büdcələrinə təsir edəcək
Tarif Şurasının neft məhsulları və başqa aksiz malların tariflərinin artırılması barədə qərarı ailə büdcələrinə təsir edəcək, deyə Reportyorların Azadlığı və Təhlükəsizliyi İnstitutunda aksiz və başqa malların tariflərinin artırılmasının nəticələri barədə ictimai dinləmələrdə iqtisadçı alim Qubad İbadoğlu bildirib.
Onun sözlərinə görə, Tarif Şurası haqqında Əsasnamədə bu fəaliyyətin ictimai təşkilatlarla əlaqəli keçirilməsi nəzərdə tutulub. Sənədin 2.1.9 maddəsinə əsasən, TŞ qiymətlərin dövlət tənzimlənməsi, mümkün tənzimləmənin zəruriliyi, məqsəd və imkanı barədə KİV-ə məlumat verməlidir. Amma 3 dekabrda qərar qəbul ediləndə TŞ üzvləri guya «ajiotajın qarşısını almaq üçün» bunu etməyiblər.
Tarif Şurası icra və qanunverici orqanlarla qarşılıqlı əlaqəli şəkildə yox, dövlət inhisarçılarının tövsiyəsi ilə qərar verir. Onların dövlətə borcu (2,4 mlrd manat) sahibkarlıq strukturlarının dövlətə borcunun çox hissəsini təşkil edir. Göründüyü kimi, hökumət iqtisadi nəhənglərdə islahat əvəzinə, istehlakçının cibinə girir. Hökumətin taktikası əsassızdır – yeni tariflərlə büdcə mədaxili artanda sosial kompensasiyalara hər cür büdcə xərcləri də artacaq, nəticədə ikirəqəmli inflyasiya olacaq, - deyə iqtisadçı düşünür.
Artımın korrupsiya effekti də olacaq. Ölkədə avtomobil və avtobenzinin rəsmi qeydiyyat və hesabatlılığında problemlər var - 1,2 mln avtomobil qeydiyyatdadır, ildə 4 min ton benzin və dizel yanacağı satılır. Belə çıxır ki, bir avtomobil ildə 3,2 litr benzin işlədir. Bu, gizli iqtisadiyyatın səviyyəsinin göstəricisidir.
Hökumət hələ kommunal xidmətləri bahalandırmayıb, amma buna çox qalmayıb. Elektrik enerjisi 30%, qaz 25%, su 35-40% bahalanacaq.
Qubad İbadoğlu hesab edir ki, debat və dinləmələrdə mətbuatın iştirakı təmin edilməlidir. Hökumət həmçinin QHT-lərin tövsiyələrini dinləməli, ictimai maraqları nəzərə almalıdır. --17D—
-
- Söz istəyirəm
- 9 Dekabr 2013 15:00
-
- Cəmiyyət
- 9 Dekabr 2013 15:34
İqtisadiyyat
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
-
Azərbaycan Respublikasının Nazirlər Kabineti iyulun 17-də dövlət tərəfindən tənzimlənən malların, xidmətlərin və tariflərin siyahısında dəyişiklikləri, habelə idxal və ixrac gömrük rüsumlarına düzəlişləri təsdiq edib.
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
Rəy yaz