![Torpaqların rekultivasiyası vacibdir](https://turan.az/resized/media/2012/main/090400009900-750-500-resize.webp)
Torpaqların rekultivasiyası vacibdir
Azərbaycanda kənd təsərrüfatı torpaqlarından təyinatı üzrə istifadə edilmir. İslahat nəticəsində torpaqlar kəndilərin istifadəsinə verilib, amma suvarma bazası olmadığı üçün onlardan tam istifadə edilmir. Yerlərdə intensiv maldarlıq üzündən iribuynuzlu mal-qara torpaqları sıradan çıxarır.
İqtisadi Tədqiqatlar Mərkəzinin məlumatına görə, bu və başqa problemlər ATƏT-in Bakı Ofisinin dəstəyi ilə yerli icra hakimiyyətləri və ekspertlərlə “Torpaqların deqradasiyasının təbii və antropogen amilləri: maarifçilik və ictimai nəzarət” layihəsi çərçivəsində müzakirə edilib.
Layihənin əlaqələndiricisi Qalib Toğrulun sözlərinə görə, eroziya, deqradasiya, ifrat şoranlaşmadan ziyan çəkən torpaqların rekultivasiyası ağır işdir və Torpaq və Xəritəçəkmə Komitəsi, Kənd Təsərrüfatı Nazirliyi, Ekologiya Nazirliyi və başqa strukturların nəzarətini tələb edir.
Xəritəçəkmə Komitəsinin baş mütəxəssisi İsmət Xanbabayev QHT ekspertləri ilə görüşdə Torpaq Məcəlləsinin 45-ci maddəsinə əsasən insan amili nəticəsində yararsız hala düşən torpaq sahələrinin xəritəsinin tərtib olunduğunu bildirib. Həmçinin pozuntuya yol verənlərin cərimələndiyini də deyib. Amma bunlar azdır, kompleks tədbirlər görülməlidir, deyə o vurğulayıb.
Meliorasiya və Su Təsərrüfatı ASC-nin təmsilçilərinin məlumatına görə, ölkədə 600 min ha torpaq ifrat şoranlaşıb. Təəssüf ki, inzibati müdaxilə mexanizmi olmadığı üçün nəzarət orqanlarının səylərini mərkəzləşdirmək mümkün olmur.
Görüşdə aparıcı elektron KİV vasitəsilə geniş maarifçilik işi aparılması, torpaqların rekultivasiyasının aktuallığının əhaliyə çatdırılmasının vacibliyi qeyd edilib. --17D-
-
- İqtisadiyyat
- 4 Sentyabr 2012 15:10
-
- Mədəniyyət
- 4 Sentyabr 2012 16:01
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz