Transadriatik qaz kəmərinin tikintisi üzrə konsorsium kəmərin alban hissəsinin tikintisinə icazə alıb, deyə TAP-ın 8 apreldə yaydığı məlumatda bildirilir.
İcazəni Albaniyanın Milli Ərazi Şurası verib.
"Bu, vacib qərardır və Albaniyada tikintiyə başlamaq imkanı verəcək ", - deyə TAP-ın yaydığı məlumatda bildirilir.
Məlumata əsasən, burda tikinti işləri 2015-ci ildə yol və körpülərin modernləşməsi və tikintisindən başlayacaq. Sonra boru kəməri çəkiləcək, başqa obyektlər tikiləcək.
ТАР “Şahdəniz” qazının Avropa bazarlarına nəqli üzrə marşrut kimi seçilib.
Kəmərin ilkin gücü 10 mlrd m3, artırılma imkanı ildə 20 mlrd m3-dir.
ТАР-ın səhmdarları bunlardır: BP (20%), SOCAR (20%), Statoil (20%), Fluxys (16%), Total (10%), E.ON (9%) və Axpo (5%).—0--
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz