Ərzaq təhlükəsi Azərbaycana gəlir

Bu gün Kempinski otelində «Azərbaycanda ərzaq təminatı: problemlər və resurslar» araşdırmasına yekun vurulub. Məruzəçi Ərzaq təhlükəsizliyi üzrə QHT koalisiyasının əlaqələndiricisi Nizami Qarayevdir.

Onun sözlərinə görə, ölkədə əhalinin çoxu qeyri-rasional qidalanır. Buna görə dünya aclıq xəritəsində Azərbaycan Afrika və latın Amerikası ilə qonşudur. Beynəlxalq zülal norması sutkada 100, yağ 75, karbohidrogenlər 452 qramdır. Azərbaycanda orta istifadə belədir:75,4 qr zülal, 72,8 qr yağ və 460,5 qr karbohidrogenlər.

Əsas səbəb kənd təsərrüfatı üçün torpaqların azalması, Qarabağ münaqişəsi, eroziya, quraqlıqdır. Qlobal istiləşmə və enerji daşıyıcılarının bahalanması da nəzərə alınmalıdır. Azərbaycan üçün spesifik problem isə kiçik və orta fermerlərin azalmasıdır.

Nəticədə azərbaycanlılar daha az ərzaqdan istifadə edir. Dünyada ət norması ildə 70, Azərbaycanda 27,8 kq, süd və süd məhsulları 360 (209,2 kq), meyvə 80 (47) kq-dır. Tərəvəz və bostan bitkiləri norması 140 (96,1 kq), kartof 120,5 (44,2 kq) , balıq  8,3 (5) kq, yumurta 243 ədəd (139), qənd və qənnadı məmulatı 36,5 kq-dır (16,9). Yeganə müsbət balans çörək üzrədir 133,8 kq (120,5 kq).

Ekspert idxalın artdığını da qeyd edib 2012-ci ildə $282 mln (2011-ci illə müqayisədə +57,83 mln), diri çəkidə mal $27,88 mln (+14,1), kərə yağı $136,82 (+17,82), meyvə-tərəvəz $ 264,3 mln (+37,5), qənd $176,5 mln (+10), bitki yağı 221,7 mln (+60,2), alkoqollu içki $21,3 mln (+7,55) idxal edilib.

Vəziyyətədən çıxış üçün ölkədə rəqabət mühiti yaradılması, idxalın azaldılması üçün sahibkarlara dəstək verilməsi təklif edilir. Strateji planda yüksək texnologiyaların tətbiqi, aqrar-sənaye kompleksinin modernləşdirilməsi, ərzaq bazarını tənzimləmədə yeni yanaşmalar tövsiyə edilir. --17D—