![Sabah 2-ci beynəlxalq su texnologiyaları sərgisi açılır](https://turan.az/resized/media/2014/main/040900074937-750-500-resize.webp)
Sabah 2-ci beynəlxalq su texnologiyaları sərgisi açılır
Sabah Bakı Ekspo Mərkəzində 2-ci Xəzər Beynəlxalq Su texnologiyaları (CATEC 2014) sərgisi keçiriləcək.
Sərgi Azərbaycanın milli su operatoru “Azərsu” Açıq Səhmdar Cəmiyyətinin təşəbbüsü və rəsmi dəstəyi ilə təşkil olunur. Dövlət bu quruma büdcədən ARDNF-dən hər il yüz milyonlarla kredit ayırır. Hələlik ölkə əhalisinin yarısı fasiləsiz və keyfiyyətli su ilə təmin olunub.
Bu gün sərginin təşkilatçısı Iteca Caspian sərginin açılışı ilə əlaqədar bu gün mətbuat konfransı keçirib.
Azərsu ASC-nin “Sukanal” ETLİ elmi işlər üzrə direktor müavini Adışirin Ələkbərov deyib ki, Azərbaycanda su təchizatı və kanalizasiya sistemlərinin yenidən qurulması, içməli və çirkab sutəmizləyici qurğuların layihələndirilməsi və tikintisi üzrə irimiqyaslı layihələrin həyata keçirildiyi bir vaxtda su texnologiyalarına həsr olunmuş sərgi və konfransın təşkil edilməsi olduqca aktualdır. Sərgidə nümayoş etdirilən müasir texnologiyalar, yeni ideyalar sahənin təkmilləşməsinə kömək edir.
Ələkbərovun sözlərinə görə, adambaşına aylıq su tələbatı 500 litrdir, Berlində isə bu göstərici 124 litrdir. İtkilərin aradan qaldırılması nəticəsində Bakıda su istifadəsi 200-250 litrə azaldılacaq. Bu zaman maya dəyəri azalacaq, keyfiyyət artacaq.
Layihənin rəhbəri Rəşad Qədimov bildirib ki, CATEC 2014 sərgisində 24 ölkədən öz məhsul və xidmətlərini təqdim edən 79 şirkət iştirak edəcək. İştirakçıların yarısı xarici şirkətlərdir. Onlar içməli su təchizatında istifadə olunan avadanlıqlar, tullantı sularının toplanması, nəqli və təmizlənməsi, yağış sularının idarəedilməsi sistemləri, eləcə də mikrotunel tikintisi, suyun kimyəvi analizinin aparılması üçün avadanlıqlar, tənzimləmə texnologiyaları, borular, nasos sistemləri, hidrantlar, tikinti texnikası və avadanlıqları, geotermal texnologiyalar, su təchizatı və kanalizasiya sahəsində digər yenilikləri təqdim edəcəklər.
CATEC-də Azərbaycan, Avstriya, Almaniya, ABŞ, Kanada, Türkiyə, İsrail, Rusiya, Belarus, Litva, Fransa, Macarıstan, Danimarka, İsveçrə, İtaliya və digər ölkələrin aparıcı texnologiya şirkətləri və təchizatçıları, habelə ekologiya və tikinti şirkətləri iştirak edir. Yerli şirkətlərdən Akkord, Azərtexnolayn, Gəncə Cihazqayırma zavodu Omicron, Unipark və s. sərgiyə qatılıb.
Paralel olaraq 11 apreldə 2-ci Xəzər Beynəlxalq Su texnologiyaları konfransı keçiriləcək. Orda 30 ölkədən 100-dən çox mütəxəssis təmsil olunacaq. 08C
-
- Siyasət
- 9 Aprel 2014 14:59
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz