![Transanadolu qaz kəməri start götürür](https://turan.az/resized/750/500/resize/media/2012/main/062600003791.jpg)
Transanadolu qaz kəməri start götürür
Bu gün Türkiyənin baş nazirinin ofisində Azərbaycan Dövlət Neft Şirkəti (SOCAR) və Türkiyənin BOTAS və TPAO (Türkiyə Neft-Qaz Korporasiyası) dövlət boru kəmərləri şirkəti arasında Transanadolu qaz kəməri (TANAP) layihəsinə dair saziş imzalanacaq. İmzalanma mərasimində Türkiyənin baş naziri Rəcəb Tayyip Ərdoğan və Azərbaycan prezidenti İlham Əliyev iştirak edəcəklər.
Qeyd edək ki, TANAP boru kəmərinin tikintisi üzrə hökumətlərarası memorandum 26 dekabr 2011-ci ildə imzalanıb. Sənədə əsasən kəməri idarə edəcək konsorsiumda 80% ARDNŞ-yə, hərəyə 10% TRAO və BOTAS-a məxsusdur. Konsorsiuma xarici şirkətlər daxil ola bilərlər, amma pay məsələsini ARDNŞ ilə həll etməlidirlər.
Danışıqların gedişindən məlumatı olan Azərbaycan hökumətindəki mənbə Turan-a bildirib ki, İstanbulda iki sənəd imzalanacaq:
- Transanadolu qaz kəmərinin tikintisi üzrə hökumətlərarası saziş (bu sənəd qaz kəmərinin çəkilişi üzrə hökumətin prinsip və vəzifələrini müəyyən edir);
- qaz kəməri konsorsiumunun yaradılması barədə kommersiya sazişi (bu sənəd kommersiya fəaliyyəti ilə məşğul olacaq gələcək şirkətin yaradılması üçün hüquqi əsas olacaq).
TANAP kəmərinin uzunluğu 2 min km. olacaq. O, başlanğıcını Türkiyənin şərqindən götürəcək və Türkiyənin Bolqarıstan və ya Yunanıstanla sərhədinə kimi uzanacaq. Kəmərin çəkilişinə 2014-cü ilin IV rübündə başlanılacaq və iş 36 aya başa çatacaq. Onun buraxılış qabiliyyəti birinci mərhələdə 16 mlrd m3, ikincidə 20 mlrd m3 və üçüncü mərhələdə, yəqin, ildə 24 mlrd m3 olacaq.
Qaz kəmərinin tikintisinin birinci mərhələsinin qiyməti $7-8 mlrd. həcmində qiymətləndirilir. --12B—
-
- Cəmiyyət
- 26 İyun 2012 12:55
-
- İqtisadiyyat
- 26 İyun 2012 13:49
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz