![Azərbaycanın Qara dəniz hövzəsinə investisiyaları prioritetdir](https://turan.az/resized/media/2012/main/062600003795-750-500-resize.webp)
- İqtisadiyyat
- 26 İyun 2012, 13:49
- 88
Azərbaycanın Qara dəniz hövzəsinə investisiyaları prioritetdir
Prezident İlham Əliyev Qara Dəniz İqtisadi Əməkdaşlıq Təşkilatının (QİƏT) 20 illik yubileyi ilə əlaqədar İstanbulda keçirilən sammitdə iştirak edir.
Bu hökumətlərarası təşkilat 1992-ci il iyunun 25-də yaradılıb. Məqsəd üzv dövlətlər arasında dostluq və mehriban qonşuluq atmosferinin yaradılması, qarşılıqlı hörmət və inamın, dialoq və əməkdaşlığın möhkəmləndirilməsidir. Quruma 12 dövlət daxildir, digər 13 ölkə isə müşahidəçi qismində qatılıb.
Bazar ertəsi “Yeni baxış axtarışı: ölkə perspektivləri” akademik forumunda QİƏT ölkələri dövlət və hökumət başçılarının sammiti çərçivəsində Azərbaycan prezidenti yanında Strateji Araşdırmalar Mərkəzinin (SAM) direktoru Fərhad Məmmədov bildirib ki, Azərbaycan QİƏT-in müxtəlif platformalarında fəal iştirak edir və gələcəkdə bu regional təşkilatın effektivliyinin artırılmasında maraqlıdır.
O qeyd edib ki, Azərbaycan regiona növbəti 20 ildə investisiya məkanı üçün prioritet kimi baxır. Təkcə Türkiyədə SOCAR-ın layihələri vasitəsilə investisiyaların həcmi 2020-ci ilədək 10-dan 17 mlrd. dollara kimi artırılacaq.
Regionda investisiya siyasətindən danışan F.Məmmədov qeyd edib ki, Gürcüstanda investisiyaların ümumi həcmi 3 mlrd. dollara çatıb. SOCAR Rumıniya istiqamətində AGRI qaz layihəsinin, Balkana çıxmaqla Trans-Adriatik boru kəməri layihəsinin reallaşmasında, həmçinin Yunanıstan, Ukrayna, Moldovanın yanacaq infrastrukturunun inkişafında iştirak edir. Azərbaycan həmçinin Serbiya, Gürcüstanda çoxmilyonlu layihələrə kredit verir.
Ermənistan-Azərbaycan münaqişəsinin nizamlanmasına və onun QİƏT-də inteqrasiya proseslərinə təsirinə toxunan F.Məmmədov bildirib ki, problemin həlli yalnız Ermənistanın Azərbaycan və Türkiyə ilə münasibətlərini yaxşılaşdırmayacaq, həm də ümumilikdə regionda sabitliyə və inkişafa xidmət edəcək.
SAM rəhbəri münaqişənin həllini Dağlıq Qarabağa yüksək muxtariyyət verilməklə Azərbaycanın ərazi bütövlüyü çərçivəsində görür. “Geniş muxtariyyət statusu Azərbaycanın ərazi bütövlüyü çərçivəsində Dağlıq Qarabağ əhalisinin əhalisinin həyat səviyyəsinin artırılmasını mümkün edəcək. Yəni, Dağlıq Qarabağın statusu məsələsi normal həyat və inteqrasiya olunmuş inkişaf şəraitində, uzun müddət ərzində müzakirə olunmalıdır.
Azərbaycan bu prosesə həm mənəvi, həm siyasi, həm də iqtisadi baxımdan hazırdır”, –
F.Məmmədov vurğulayıb.
O qeyd edib ki, Cənubi Qafqaz regionunun daha böyük inteqrasiya üçün potensialı mövcud olsa da, buna yalnız Azərbaycan ərazilərinin işğaldan azad edilməsindən sonra nail olmaq mümkündür.–0--
-
- İqtisadiyyat
- 26 İyun 2012 13:16
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz