Türkmənistanla Türkiyə qaz tədarükü üzrə çərçivə sazişi imzalayıb
Türkmənistan prezidenti Qurbanqulu Berdımuhəmmədov və Türkiyə prezidenti Abdulla Gül dünən Türkmənistandan Türkiyəyə qaz tədarükü üzrə sazişi imzalayıblar.
Bununla rəsmi Ankara göstərdi ki, Xəzər hövzəsindən qaz tədarükünü şaxələndirmək istəyir. 3 iyul 2007-ci ildə Türkiyə "Şahdəniz" yatağından qaz idxalına başlamışdı. Sazişə əsasən, bu ölkə "Mərhələ-1" çərçivəsində ildə 3,3 mlrd m3 qaz almalıdır. Amma Türkiyə Azərbaycanla başqa bir saziş də imzalayıb. "Mərhələ-2" üzrə 2018-ci ildən “Şahdəniz” yatağından əlavə 6 mlrd m3 qaz almalıdır.
Hələ 1997-ci ildə Türkiyə Aşqabadla 30 mlrd m3 türkmən qazının tədarükü barədə saziş imzalayıb. Bu saziş Transxəzər layihəsi iflasa uğradığı üçün reallaşmadı.
Transxəzər layihəsi hazırda türkmən qazının Türkiyə vasitəsilə Avropaya nəqli üçün ən optimal variant sayılır.
Rəsmi Aşqabad hesab edir ki, Xəzərin dibi ilə kəmər çəkmək üçün Türkmənistan və Azərbaycanın razılığı kifayətdir. Azərbaycan öz ərazisini, tranzit imkanını və infrastrukturunu verməyə hazır olduğunu bildirib.
Amma bu kəmərin çəkilişi orta perspektivdə dumanlı görünür. Çünki rəsmi Aşqabad onun həyata keçməsi üçün heç nə etmir. Ötən müddətdə Türkmənistan prezidenti Berdımuhəmmədov kəmərə dəstəklə bağlı yalnız siyasi bəyanatlar verib. Hansısa sənəd imzalanmalı olanda – hətta Avropa İttifaqı ilə memorandum - rəsmi Aşqabad geri çəkilir.
Həmçinin Türkmənistanla Azərbaycan arasında münasibətlər soyuqdur. Rəsmi Aşqabad 2009-cu ilin iyulundan başalyaraq Azərbaycanı Beynəlxalq İqtisad Məhkəməsi ilə təhdid edir, dəniz yataqlarının işlənməsinə görə kompensasiya tələb edir. Guya Bakı 1997-ci ildə “Azəri-Çıraq-Günəşli” blokunu Xəzərin hüquqi statusu müəyyən edilməmiş, Aşqabadın icazəsi olmadan işləməyə başlayıb. --12В--
-
- Söz istəyirəm
- 31 May 2013 11:59
-
- Siyasət
- 31 May 2013 12:35
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz