Yunanıstanın energetika naziri Bakı danışıqlarının detallarını açıqlayıb

  Yunanıstan hökuməti TAP qaz kəməri və IGB kəmərinin (Yunanıstan-Bolqarıstan interkonnektoru) tikintisini dəstəkləyir və onların başa çatmasına kömək edəcək. Bu barədə cümə günü Yunanıstanın energetika naziri Panayotis Lafazanis Bakıdan qayıdanda Afinada bildirib. O, 12 fevralda "Cənub qaz dəhlizi" Məşvərət Şurasının iclasında iştirak etmişdi.

Əvvəllər nazir demişdi ki, Yunanıstan hökuməti TAP layihəsini dəstəkləyir, amma Yunanıstanın bundan olacaq qazancını az hesab edir.

Azərbaycana səfəri zamanı Lafazanis bu məsələni ölkə rəsmiləri ilə müzakirə edib, qeyd edib ki, müzakirə üçün açıqdır.

Yunanıstan KİV-i yazır ki, Lafazanis energetika naziri Natiq Əliyevlə TAP-ın tikintisi başa çatandan sonra Yunanıstan üçün mümkün güzəştləri müzakirə edib.

O, bu məsələni TAP-ın icraçı direktoru İen Bredşou və BP-nin regional direktoru Qordon Birrellə də müzakirə edib.

"Birrell qeyd edtdi ki, mümkün güzəştləri müzakirə etməyə hazırdır. Əlavə etdi ki, Yunanıstanın konkret təkliflərini müzakirəe tmək olar ", - deyə KİV Yunanıstan Energetika Nazirliyinə istinadən yazır.

Həmçinin nazir Avrokomissiyanın Energetika İttifaqı üzrə vitse-prezidenti maroş şefoviçlə də görüşüb və Avropanın cənubuna enerji daşıyıcıları tədarükü, o cümlədən TAP layihəsini müzakirə edib.

"Lafazanis Bolqarıstanın energetika naziri T.Petkova ilə də görüşüb. Tərəflər IGB layihəsinin tikintisinin sürətləndirilməsini dəstəklədiyini bildiriblər", -  deyə KİV yazır.

ТАР “Şahdəniz” qazının Avropaya nəqli üçün əsas marşrut kimi seçilib.

Kəmər Yunanıstan və Albaniya vasitəsilə İtaliyanın cənubuna kimi uzanacaq.

Tikinti işlərinə 2016-cı ildə başlanılacaq.

* Səhmdarları BP (20%), ARDNŞ (20%), Statoil (20%), Fluxys (16%), Total (10%), E.ON (9%) və Axpo-dur (5%).—0--