Dekabrın 20-də Bakıda Art for democracy (Demokratiya naminə incəsənət) kampaniyası bu il ərzində keçirdiyi iki “Demokratiya naminə”mahnı müsabiqəsinin qaliblərinə diplomlar təqdim edilib.
Təqdimatı açan Art for democracy -nin koordinatoru Rəsul Cəfərov çıxışında bu təqdimatın hazırda həbsdə olan REAL sədri İlqar Məmmədovun, Seçkilərin Monitorinq və Demokratiyanın Tədrisi Mərkəzinin rəhbəri Anar Məmmədlinin, NİDA Vətəndaş Hərəkatının həbs olunmuş üzvlərinin və digər siyasi məhbuslara həsr olunduğunu deyib.
Qaliblərə gəldikdə isə, onlayn səsvermə və Münsiflər heyətinin verdiyi ballara əsasən ilk mahnı müsabiqəsinin qalıibləri 1-ci yeri “Zəmanənin işlərinə” mahnısı ilə Aydan (pop janrı), 2-ci yeri “Demos Kratos” mahnısı ilə Set the Strange Boy (rep janrı) və 3-cü yeri “Xalq mahnısı” ilə “Tenqri” qrupu (rok janrı) na diplomlar təqdim edilib.
Daha sonra “Demokratiya naminə musiqi” adı altında keçirilən ikinci mahnı müsabiqəsinin qaliblərinə 1-ci yer: Ramaş - “Azərbaycan nağılı”, 2-ci yer: Anar Nağılbaz - “Oğraşdı yalan deyən - 3”, Araz İbrahim - “İlham yox”, Barfly qrupuna - “Demokratiya” diplomlar verilib.
Təqdimat mərasimində qalib gələnlər öz mahnılarını bir daha səsləndiriblər.
Qeyd edək ki, Art for Democracy kampaniyası “Haqqı çək” adı altında rəsm, karikatura və foto müsabiqəyə start verib. Hazirda kampaniya davam edir.
“Demokratiya naminə İncəsənət” Bakı şəhərində fəaliyyət göstərən, 10 dekabr 2012-ci ildə yaradılmış İnsan Hüquqları Klubu tərəfindən həyata keçirilən bir kampaniyadır. Özündən əvvəlki “Demokratiya naminə oxu” (Sing for Democracy) kampaniyasına əsaslanan “Demokratiya naminə İncəsənət” kampaniyası incəsənətin bütün formalarından istifadə etməklə Azərbaycanda insan haqları və demokratik islahatları təşviq etmək məqsədi daşıyır. -16D-
Mədəniyyət
-
3 yanvar tarixində Bakıda, QGallery-də, gənc azərbaycanlı rəssam Samirə Allahverdiyevanın ilk fərdi sərgisi olan “Zamanın Salnaməsi”nin açılışı keçirildi. Onun karyerasında mühüm bir mərhələni qeyd edən bu sərgi, rəssamın doğum günü ilə üst-üstə düşərək tədbirə şəxsi bir rezonans qatdı.
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
Rəy yaz