“Tərcümə Mərkəzinin kitabları” seriyasından “Sözün Aydını” kitabı işıq üzü görüb. Kitabda görkəmli alim, ictimai-siyasi xadim, tənqidçi, ədəbiyyatşünas Aydın Məmmədovun əsərləri – elmi məqalələri, esseləri, müsahibələri, müxtəlif dövrlərdə çıxışları və alim haqqında tanınmış sənət adamlarının yazıları yer alıb.
Kitab, yazıçı Afaq Məsudun “Bu dünyanın Aydın hadisəsi” adlı ön sözü ilə açılır.
Nəşrin tərtibatçısı Nəriman Əbdülrəhmanlı, redaktorları Zahid Sarıtorpaq və Tamilla Rüstəmovadır.
A.Məmmədov 1944-cü ildə Şəkidə anadan olub. Orta məktəbdə müəllim fəaliyyətilə başlayan A.Məmmədov elmi işçi kimi böyüyüb, ictimai xadim kimi ərsəyə çatıb, görkəmli siyasət adamı kimi həyatdan gedib. Azərbaycan türklərinin bu torpaqda eramızdan çox öncə yaşaması fikrini elmi gerçəkliyə çevirməyi bacaran A. Məmmədov "Sovetskaya turkologiya" jurnalının redaktor müavini, Bədii Tərcümə Mərkəzinin rəhbəri olub. Dünya türklərinin bir-birini daha yaxından tanıması, onların doğmalaşması üçün yönündə fəaliyyət göstərib.
Ömrünün son 10 ilini ictimai-siyasi fəlaiyyətə həsr edib. A.Məmmədov 1988-ci ilin fevralından başlayan xalq hərəkatının ön sıralarında dayanıb. Ayıq siyasətçi və ardıcıl demokrat olan A.Məmmədovun hadisələrə öz şəxsi münasibəti və yozum üslubu vardı. Xalqın sevgisini qazanan A.Məmmədov millət vəkili seçilib. Ali Sovetin millətlərarası münasibətlər üzrə daimi komissiyasının sədri olub.
Qarabağa Xalq Yardımı Komitəsinin sədri idi.
1991-ci il aprel ayının 19-da Xalq Cəbhəsi İdarə Heyətinin üzvü Dilarə Əliyeva ilə birlikdə avtomobil qəzasında faciəli şəkildə həlak olub, Doğma Kiş kəndində dəfn edilib.-05D-
Mədəniyyət
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
Rəy yaz