Azərbaycanda festival yağışı

Avqust və sentyabr aylarında müxtəlif festivallar baş tutub. Bu festivalların əsas mövzusu incəsənət və filmlər olub. Citi-zen, Sevil Beynəlxaq Qadın film, Anima film, Salam film kimi müxtəif festivallar bura daxildir.

Citi-zen festivalı Gəncədə kamp formatında təşkil olunub. Festival 25-27 avqust tarixlərində əhatə edib. Festivalın əsas məqsədi incənətlə məşğul olan insanları bir araya gətirib onları tanıtmaq və insanları yeni yaranan incəsənət növləri ilə tanış etməkdir. Festival zamanı insanlara öz əl işlərini gətirib satmaq üçün şərait yaradılıb. Festivalın əsas təşkilatçısı Murad Nəbiyevdir. Onun sözlərinə görə festivalın ərsəyə gəlməsində xeyli insan iştirak edib. Festivalda tikinti, teatr, tikiş kimi bir neçə qrup olub.

Tikinti qrupu festival ərazisinin hazırlanması və dizayn olunmasında iştirak edib. Festival müddətində müxtəlif tamaşalar nümayiş olunub. Yeni musiqiçilər yeni növ musiqi janrlarında ifa edib.  Murad Nəbiyevin sözlərinə görə festivalda əsas çətinliyi hava şəraitinə görə olub.

  Tamaşalarda istifadə olunan  paltarlar tikiş laboratoriyası tərəfindən ikinci əl parça və paltarlardan hazırlanıb. Festival zamanı  ekoloji sağlam mühitin yaradılmasına da diqqət çəkilib. Festivalın son günü iştirakçılar tamaşa daxilində ağac əkiblər.

Sevil Beynəlxalaq Qadın sənədli film festivalı isə 2020-ci ildən etibarən keçirilir. Festivalın təsisçisi Aygün Rəşidovadır. Bu il festival 15-22 sentyabr tarixlərində keçirilib.Festivalın açılışında xeyli insan iştirak edib. Aşılış günü festivalın dəstəkçiləri – Fransanın, Britaniyanın səfirləri çıxış edib. Britaniya səfirinin çıxışına Azərbaycan dilində başlaması diqqət çəkən hadisələrdən olub. Səfirlər festivalın önəmi haqqında məlumat verib.

Festivalda nümayiş olunan filimlərin ya rejissorları qadındır ya da çəkilən film qadınlar,  queer icma ilə bağlı olur. Bu ilki festivalda bir çox xarici və yerli filmlər nümayiş olunub. Festival sonunda qalib filmlər açıqlanıb.

Qalib filmlər:

Beynəlxalq qısametrajlı sənədli film- Qadının doğuluşu (Sona Notova);  Bu elə sevgidir ki (Olqa Hajnosz)

Tammetrajlı sənədli film – Sərhəd boyunca avtoportret ( Anna Dziapşipa); Bəlkələrlə yaşayırıq(Müharibə  sonrası itkin düşmüş şəxslərin axtarışında) (Leyla Cəfərova)

Yerli qisametrajlı sənədli film – Hədis(Nəzrin Ağamalıyeva) ;  Çinar ağacının kölgəsində (Aynur Elgünəş)

Fevtival zamanı nümayiş olunan filmlərdən sonra həmin filmlərin rejissorları və ya qəhrəmanları ilə birgə  müzakirəsi baş tutub.

Festival zamanı müxtəlif masterklaslar-“Kameralı qadınlar” (Anyes Qodar); “Birinci şəxsin dilindən film çəkmək”( Anna Dziapşipa)  “Rəna əfəndinin obyektivindən qadınlar”(Rəna Əfəndi) keçirilib.  Bundan başqa festival müddətində digər illərdən fərqli olaraq “Dok Atelye” sənədli film masterklası keçirilib. Materkals 16-21 sentyabr tarixlərini əhatə edib.  Msterlasın əsas mentoru Alman rejissor Kety De Han olub. Ondan əlavə Lalə Əliyeva, Mətləb Muxtarov, Aygün Cahangirova da təlimlər keçib. Sonda seçilən ideyalara Sevil festivalı həyata keçirilməsi üçün dəstək göstərəcək.