Nərmin Balayeva
- Mədəniyyət
- 20 Sentyabr 2019, 20:44
- 41
Azərbaycanlı TV jurnalistinin Türkiyə kanalında Üzeyir Hacıbəyli barədə verilişi yayımlanıb
Turan informasiya agentliyinin məlumatına görə,Azərbaycanlı televiziya jurnalisti Nərmin Balayevanın Türkiyənin Haber Global kanalında Şərqin ilk operasının yaradıcısı,Azərbaycan polifonik musiqi sənətinin banisi Üzeyir Hacıbəylinin həyat və yaradıcılığına həsr edilmiş verilişi yayımlanıb.
"Bir ulusun sanat dehası: Üzeyir Hacıbeyli" adlı sənədli verilişdə Nərmin Balayeva müəllim,jurnalist,publicist,naşir,bəstəkar Üzeyir Hacıbəylinin həyatının müxtəlif anları barədə tamaşaçılara məlumat verməklə yanaşı,verilişin fonunda bəstəkarın əsərlərindən fraqmentlər səsləndirilib.Verilişdə "Leyli və Məcnun" operasında Məcnun rolunun ifaçısı Mənsum İbrahimov,bəstəkar Firəngiz Əlizadə,incəsənət tarixçisi Xatirə Həsənzadə Üzeyir Hacıbəylinin həyat və yadadıcılığı haqqındakı fikirlərini tamaşaçılarla bölüşüblər.Verilişin ekranda göstərilməsindən sonra Turan agentliyinə verdiyi açıqlamada jurnalist Nərmin Balayeva deyib :"Dünyanın ən böyük muqisi xadimlərindən biri, Şərqin ilk operasının və ilk Cümhuriyyətinin himninin müəllifi barədə verilişi hazırlamaq həm məsuliyyətli həm də çox həyəcanlı iş idi.Üzeyir bəyin böyüklüyünü Türk tamaşaçılarına çatdıra bilmişəmsə, özümü xoşbəxt hiss edərəm.Çoxsəsli milli musiqimizin yaradıcısını Türk tamaşaçılarına daha yaxından tanıtdırmaq üçün bundan sonra da əlimdən gələn hər şeyi edəcəyəm"
Nərmin Balayeva Bakı Musiqi Akademiyasını bitirəndən sonra İstanbuldakı Marmara universiteti jurnalistika fakültəsinin Radio-televiziya bölməsindən məzun olub.Türk kanallarında işləyərkən Marmara universitetində magistratura təhsili alıb.Hal-hazırda Haber Global kanalına sənət və mədəniyyət verilişləri hazırlayır.
-
- Siyasət
- 20 Sentyabr 2019 20:23
-
- Makroiqtisadiyyat
- 20 Sentyabr 2019 21:07
Mədəniyyət
-
“Eurovision” mahnı müsabiqəsinin parlaq xaosunda Azərbaycanın Fahree - İlkin Dövlətov dueti tamaşaçıların rəğbətini qazanması ilə deyil, “Eurovision”un üstünlük təşkil edən üslubundan xeyli fərqlənməsi ilə diqqət çəkib. Mayın 8-nə keçən gecə onların çıxışı TuraLTuranX brothers qrupunun keçən ilki nəticəsini təkrarlayaraq, onları finala çıxarmayıb. Hər iki halda Azərbaycan nümayəndələri on ikinci çıxış ediblər və səhnədə təmkinli davranış nümayiş etdiriblər, bu da “Eurovision”da çox vaxt rast gəlinən parlaq çıxışlardan fərqlənib.
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
Rəy yaz