Bakı/02.05.18/Turan: Mayın 2-də Bakıda İmagine tolerantlıq festivalı başlayıb. Festivalın təşkilatçısı Avropa İttifaqının Azərbaycandakı nümayəndəliyidir.
Festival çərçivəsində mayın 2-dən 17-dək 30 ölkənin istehsal etdiyi 38 film nümayiş etdiriləcək, bədii sərgilər, əcnəbi musiqiçilərin konsertləri, kinorejissorluq və musiqi üzrə ustad dərsləri, tolerantlıq mövzusunda debatlar təşkil olunacaq. Filmlərə baxış pulsuz olacaq. Bəzi filmlərin nümayişindən sonra tamaşaçılar onu rejissorun özü ilə müzakirə edə bilər.
Festivalın açılışında iştirak edən Aİ-nin Azərbaycan nümayəndəliyinin rəhbəri Kəstutis Yankauskas ölkə KİV-dən xahiş edib ki, mümkün qədər daha çox auditoriyanı əhatə etmək üçün tədbiri geniş işıqlandırsınlar.
"Bu tədbir Azərbaycandakı Aİ ölkələrinin səfirləri üçün keçirilmir. Bu, ictimaiyyət üçün keçirilir. Məqsəd müxtəlif ölkələrin mədəniyyətləri ilə qarşılıqlı tanışlıqdır", - o deyib.
K.Yankauskas qeyd edib ki, sayca ikinci olan indiki festival Azərbaycan Demokratik Respublikasının 100 illiyinə, Aİ nümayəndəliyinin Azərbaycanda fəaliyyətə başlamasının 10 illiyinə, mayın 9-da qeyd olunacaq Avropa Gününə, həmçinin ümumbəşəri dəyərlərə həsr edilir.
Tədbirdə çıxış edən Latviyanın Azərbaycandakı səfiri Yuris Maklakovsk deyib ki, onun ölkəsi də müstəqilliyinin 100 illiyini qeyd edəcək.
O bildirib ki, müstəqillik illərində Latviya kinoindustriyası böyük inkişaf mərhələsi keçib və tolerantlıq, multikulturalizm, cəmiyyətin müxtəlifliyi mövzusuna çox diqqət yetirir.
"Festival çərçivəsində Latviya bu sahədə öz təcrübəsini bölüşmək istəyir", - səfir vurğulayıb.
O deyib ki, film Latviya istehsalı olan "Qoy, anam həll etsin" filmi ilə açılacaq. Film tolerantlıq mövzusuna həsr edilib.
Filmin rejissoru Yeva Ozolina qeyd edib ki, onun çəkdiyi film tolerantlıq olmayan evdə ana və oğul arasındakı mürəkkəb vəziyyətə həsr edilib.
"Filmdən sonra tamaşaçılar onu mənimlə müzakirə edə bilər. Festival çərçivəsində Bakıda tələbələr üçün ustad dərsi keçəcəyəm", - o deyib.
Festivalın açılışında iştirak edən Perunun Azərbaycandakı səfiri Luis Çanq deyib ki, bu festival təkcə Avropa ölkələrinə aid deyil.
"Peru festivalda iştirak edən 10 qeyri-Avropa ölkəsindən biridir. Festival çərçivəsində Perudan olan musiqiçilər azərbaycanlı tamaşaçılar qarşısında çıxış edəcəklər. Onlar bizim musiqini muğam ilə sintez edəcəklər. Peru musiqiçiləri konsertlə yanaşı Konservatoriyada ustad dərsləri keçəcəklər", - səfir bildirib.-71D-
Mədəniyyət
-
İstanbulda Azərbaycanlı xalça sənətçisi Elnarə Rəsulovanın fərdi sərgisi açılıb. Şəhərin qədim məkanlarından birində keçirilən sərgidə Rəsulovanın 17 əsəri ilə yanaşı, təxminən 50 xalça nümayiş etdirilir. Kolleksiyadakı əsərlərdən biri XVII əsrə aiddir.
-
Azərbaycan tarixini dərk etmək axtarışı müasir ədəbiyyat, mədəniyyət və milli qürurla getdikcə daha çox toxunan davamlı bir səyahətdir. Bu yaxınlarda Milli Azərbaycan Tarixi Muzeyində Yusif Ağayevin “Böyük Azərbaycan şairi Nizami Gəncəvinin yaradıcılığında 11-13-cü əsrlərin döyüş sənəti” adlı yeni kitabının təqdimatı keçirilib. Bu tədbir Azərbaycanın mədəni və akademik dairələrində ikiqat təntənəli hadisə olub, orta əsrlər hərb tarixini irsi uzun müddətdir Azərbaycanın identikliyini zənginləşdirən şair Nizami Gəncəvinin məşhur əsərləri ilə əlaqələndirib.
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
-
Hazırda yeni qadın yazıçı, şairlərin və ədəbiyyat tədbirlərində onların iştirakçılıqlarının az olması diqqət çəkən nüanslardandır. “Salaam Cinema Mədəniyyət və İncəsənət Məbədi”-nin tərkibində “Yazı Laboratoriyası” bu bərabərsizliyi aradan qaldırmaq üçün “Ədəbiyyat səhnəsində qadınlar zamanı” adlı açıq mikrafon tədbiri keçirib.
Rəy yaz