Bakı/21.01.20/Turan: Tanınmış teleaparıcı erməni əsilli Sati Spivakova öz qohumlarını və başqalarını müğənni Yusif Eyvazova hücumları dayandırmağa çağırıb. Belə ki, ermənilər onu yanvarın 7-də Drezdendəki festivalda erməni müğənni Ruzanna Mantaşyanla eyni səhnədə çıxış etməkdən imtinada suçlayıblar.
Bu qalmaqalı şərh edən Sati Spivakova İnstaqram səhifəsində yazıb: “Bəzi abunəçilərin qəzəbinə səbəb olmaq riskini gözə alaraq hər kəsə və “müharibə yolunda” durmaq barədə bağlı çoxsaylı çağırışlara, “drezdenqeit” ilə bağlı susmağıma görə tənələrə dərhal cavab verirəm:
1) Ümumilikdə incəsənət, xüsusən də musiqi bir millətin, bir dinin ərazisidir və universal dildir.
2) Artıq siyasətçilər tərəfindən qızışdırılmış nifrəti millətlərarası zəmində yaymaq daha asandır, nəinki böyük bir meşənin ortasında açıq benzin çəninə kibrit çəkmək.
3) Heç kim öz üzərində genetik düşmənçiliyin ağrısını bizim xalqlarımızdan daha güclü hiss edə bilməz, ancaq bu ağrını müalicə etmək lazımdır və yalnız sevgi və tolerantlıq ilə, diqqət və anlayışla, ən əsası təxribata uymamaqla müdrikliklə müalicə etmək olar.
4) Maestro Spivakov ilə 37 illik birgə həyatımda şahid oldum ki, həyat yoldaşım da daxil olmaqla, böyük artistlər təxribatların, intriqaların və vicdansız agentlərin, prodüserlərin, rejissorların, katiblərin məkrli ittihamlarının qurbanları olublar və bunun nəticəsində təkcə kontraktlar yox, milliyyətindən asılı olmayaraq çoxsaylı dostluq tandemləri dağılıb.
5) Mən yalnız şəxsən şahid olduğuma inanıram! Və gənc erməni müğənni Ruzanna Mantaşyanla baş verənlərdə bu çirkin və kiçik əhvalatda onun qurban olduğunu anlayıram, mən aldadıldığını və oyuna gətirildiyini anlayaraq @yusif_eyvazov_official müdafiə etmək istəyirəm.
6) Mən erməniyəm, o azərbaycanlıdır, siyasi kontekstdən baxsaq, şübhəsiz ki barrikadaların fərqli tərəflərində olacağıq! Ancaq heç vaxt heç bir artist üçün bir həmkarının milliyyəti rol oynamayıb! Bütün artistlər SƏNƏT adlı məhdudiyyətsiz ölkənin vətəndaşlarıdır. Hamını sakitləşməyə və bu cəfəngiyyatın müzakirəsini dayandırmağa çağırmaq istəyirəm!-02D-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz