1 oktyabr - Dünya Memarlar Günü münasibətilə çərşənbə axşamı “RİA-Novosti” də mətbuat konfransı keçirilib.
Tədbirə qatılan tanınmış keçmiş memar Emil Axundov son 20 ilə qədərki Bakı memarlıq üslubunun qorunmasını vacib sayıb. Onun fikrincə, indiki yüksəkmərtəbəli binalar Bakı üçün yararlı deyil. Belə ki, əsas diqqət və maliyyə vəsaitləri həmin tikinti üslübunun bərpasına yönəlməlidir. Hansı səbəbdənsə tarixi bina sökülürsə, həmin üslubda indiki mənzil tələbləri və rahatlığı nəzərə alınmaqla yenidən tikilməsinin vacibliyi önə çəkilib. Bakıda bina tikilişi ilə bağlı həmin məktəbin davam etməli olduğunu vurğulayıb.
E.Axundov Bakıda hava dövranının birbaşa Xəzər dənizinə bağlı olduğunu deyərək, dənizin qarşısının hündürmərtəbəli binalarla kəsilməsini yolverilməz adlandırıb. Bundan əlavə, bu tikintilər nəticəsində havanın qarşısı kəsildiyi halda şəhərdə müxtəlif xəstəlikərin artacağını söyləyib.
Eyni zamanda, E.Axundov bir sıra bərpa edilən qədim binalara əlavələrə etiraz bildirib. Belə ki, Murtuza Muxtarovun evi olan keçmiş “Səadət” sarayı şüşələri üzərində “altıgüşə ulduz”un olmasını əsassız sayıb.
İçərişəhərdəki yeni tikintilərə toxunan memar onları “yaraşıqlı tikililər” adlandırıb. “Bər-bəzək var, yaraşıqlı tikililər var, amma artıq İçərişəhər özü yoxdur”, - deyə E.Axundov İçərişəhərdəki yeni tikintilərə rəy verib. “Böyük Bakı” planı əsasında Bakının Ələtə qədər uzadılmasını da E.Axundov doğru saymayıb. Onun fikrincə, Abşerondan kənara başqa iqlim, başqa landşaft başlayır. Həmin coğrafi ərazi başqa tikinti üslubu tələb edir. Onun fikrincə, baş planın hazırlanması ilə bağlı institut yaradılmalıdır.
Rayonlara təyin edilən icra başçılarını hər birinin başçısı olduğu rayonu öz zövqünə uyğun üslubda tikintilərə məruz qoymasını pisləyən E.Axundov belə halların baş verməməsi üçün bütün ölkə üzrə vahid memarlıq strukturu formalaşdırılmalıdır. Onun sözlərinə görə, bu halda ölkə memarlıq baxımından özünəməxsus tikinti üslubu qazana bilər.
Bu günlərdəki yağışdan sonra Bakının sulara qərq olmasına toxunan E.Axundov bu faktı şəhərin kanalizasiya sisteminin ciddi şəkildə yenidən qurulmasına olan ehtiyac kimi şərh edib.
O, yekun olaraq, Bakıda hündürmərtəbəli binaların tikintisinin dayandırılmasını, Bakının Ələtə qədər uzadılmasının əsassız olmasını, hündürmərtəbəli binalar tikilərkən seysmoloji halların ciddi şəkildə nəzərə alınmamasını xüsusi olaraq nəzərə çatdırıb. -05C-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz