“Vətənpərvərliyi təbliğ” İctimai Birliyi bu günlərdə Avrasiya Mətbuat Fondunun ofisində Milli Qəhrəman Səfiyar Behbudova (1967-1992) həsr olunan “Simurq ömrü” sənədli filminin təqdimatını keçirib.
Filmin yaradıcı heyətinin rəhbəri Şəmistan Əlizamanlı bu tipli filmlərin yaranmasına əsas səbəb kimi Milli qəhrəmanları xalqa və gələcək nəsillərə tanıtmağı, onların xatirələrini daimi əbədiləşdirməyi göstərib.
Cəmi yarım saat çəkən filmdə 25 yaşında həlak olan S.Behbudovun ömür yolundan danışılır. Həm də bu haqda danışanlar təkcə onun yaxınları yox, dostları, müəllimləri, onu tanıyanlar olur. 1988-ci ildən milli azadlıq hərəkatına qoşulan fəallardan biri olduğu vurğulanır.
Qarabağa erməni təcavüzü başlayanda ilk olaraq döyüşə qatlanlardan biri də S.Behbudov olub. Döyüşdə şücaətləri haqda məlumat verilir.
1992-ci il yazın sonuna yaxın Yaqub Rzayevin batalyonu mühasirəyə düşdükdə onları mühasirədən çıxarmaq üçün könüllülər tələb edilir. Həmin mühasirəni yarmağa gədən döyüşçülərin sırasına S.Behbudov da qatılır. Batalyon mühasirədən çıxarılsa da S.Behbudov ağır yaralanır və idarə etdiyi hərbi maşını düşmənin üzərinə sürərək tarana gedir.
Bir neçə gün Xankəndində ağır işgəncələrə məruz qalsa da düşmən S.Behbudovu Qarabağın ermənilərin olması şüarı söyləməsinə, milli bayrağı aşağılamasına məcbur edə bilmirlər. Sonda diri-diri yandırırlar.
Filmə baxışdan sonra çıxış edən natiqlər bu səpgidə filmlərin bundan sonra da çəkilməsinin lazım olduğunu deyiblər. İndiki mərhələdə belə vətənpərvərlik filmlərinin xüsusi əhəmiyyətə malik olduğunu vurğulayıblar.
Film İctimai Birliyin QHT-lərə Dövlət Dəstəyi Şurasının müsabiqəsində qalib gəlib və bu layihənin əsasında reallaşdırılıb.-05C-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz