Bakı/03.08.19/Turan: Nazirlər Kabineti "Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında 2001-ci il 2 avqust tarixli qərar"a dəyişikliklər edib.
Sənədə əsasə yerli əhəmiyyətli daşınmaz tarix və mədəniyyət abidələrinin siyahısına S.Rüstəm küçəsi, 10 ünvanında yerləşən ibadət evi (1913-cü ildə inşa edilib) və məscid (R.Rza küçəsi, 34 ilə H.Aslanov küçəsi, 85-in kəsişməsi) daxil edilib.
Qeyd edək ki, S. Rüstəm küçəsi, 10 ünvanında yerləşən və "Molokanların ibadət evi" kimi tanınan bina uzun illər baxımsız vəziyyətdə olub. 2019-cu ilin əvvəlində "Salaam Cinema Baku" qeyri-kommersiya kinoteatrı onu icarəyə götürüb.
Bina nizama salındıqdan sonra orada film nümayişləri və digər mədəni tədbirlər keçirilib. Lakin mayın əvvəlində binanın mülkiyyətçisi binanın söküləcəyini bildirərərək oranın boşaldılmasını tələb etmişdi.
Salaam Cinema Baku" qeyri-kommersiya kinoteatrının nümayəndələri və könüllülər binadan çıxmaqdan imtina ediblər, ictimaiyyəti memarlıq binasının sökülməsinə etiraz etməyə çağırıblar. Onlar obyektin müdafiəsinə qalxıblar, gecə-gündüz növbətçilik təşkil ediblər. Vətəndaş cəmiyyəti fəalları onları dəstəkləyib.
Azərbaycanın birinci vitse-prezidenti Mehriban Əliyeva binanın sökülməyəcəyini bəyan etdikdən sonra gərginlik səngiyib.
Binanın gələcək taleyi və ondan istifadə forması hələlik məlum deyil. Hazırda binanın ikinci mərtəbəsindən "Salaam Cinema Baku" istifadə edir.06D--
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz