Dekabrın 22-də yaradıcı ictimaiyyət məşhur Azərbaycan yazıçısı və rəssamı Sara Oğuzun (Nazirova) 70 illik yubileyini qeyd edib. Yubiley gecəsi Milli İncəsənət Muzeyində “Aydınlığa doğru” İctimai Hərəkatının himayəsi ilə keçirilib.
Sara Oğuz arxasında ədəbiyyat, incəsənət əsərləri, dostlarının və istedadına dəyər verənlərin xatirələrini qoyaraq, bu il iyunun 22-də dünyasını dəyişib. Sara xanımın kinorejissor Şamil Nəcəfzadə tərəfindən təqdim edilmiş fəlsəfi düşüncələr monoloqu filminin rəng qatdığı tədbirdə onun və yaradıcılığı haqqında söhbətlər olub.
O, “Ümid ulduzu”, “Qarpız suyu”, “Beton evdən məktublar”, “Bayatın fəryadı”, “Elçi”, “Həyat təkəri”, “Kəpənəyin ömrü”, “Dövran” kimi əsərlərin müəllifidir. Yazıçılıq yoluna 1978-ci ildə başlayıb. O, teatr səhnələrində uğurla nümayiş olunan “Öz nağılını yarat”, “Qayıt”, “İgidlər körpüsü” pyeslərinin müəllifidir.
Onun əsərlərində keçən xeyirxahlıq, ürəyiaçıqlıq və saflıq xətti qədimlik və ənənə ətri daşıyan gözəl milli çalar yaradır.
Mən xoşbəxtliyi deyil, gözəlliyi seçirəm, çünki o, insanların simasını əks etdirir, o, öz yaradıcılıq əqidəsini belə fəlsəfi şəkildə açıqlayırdı. O, bu gözəlliyi həyatı boyunca yaşadıb, ətrafındakı insanları ruhlandırıb, onların əksəriyyəti onun ədəbi və fəlsəfi düşüncələrinin personajları və ya qəhrəmanları olub.
Sara Oğuz 29 dekabr 1944-cü ildə Azərbaycanın Oğuz rayonunda dünyaya gəlib. Rəssamlar və Yazıçılar ittifaqlarının üzvü, əməkdar incəsənət xadimi idi.
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz