Ankara/27.07.22/Turan: Türk Dünyası Araşdırmaları Vəqfinin çap etdirdiyi «Azerbaycan-Türkiye. Kardeşliğin bayraklara yansıması» kitabının müəllifi professor Mehmet Yüce XX əsrin əvvəllərindən başlayaraq Osmanlı İmperiyası və Azərbaycan coğrafiyası arasında mədəniyyət və qarşılıqlı yardımlar sahəsindəki münasibətlərin inkişaf etdirilməsini araşdırıb.
Müəllif Azərbaycanın istər 28 may 1918-ci ildə öz müstəqilliyini elan etməsində, istərsə Bakının 15 sentybar 1918-ci ildə işğaldan azad edilməsində Osmanlı İmperiyasının və Qafqaz İslam Ordusunun göstərdiyi müstəsna xidmətləri faktlarla işıqlandırıb.27 aprel 1920-ci ildə Azərbaycanın öz müstəqilliyini itirməsinə baxmayaraq, Ankara hökumətinn və xüsusuilə, istiqlalmübarizəsinin lideri Mustafa Kamal Paşanın Azərbaycana verdiyi dəyər kitabda xüsusi yer ayrılıb.
Azərbaycanın müstəqilliyi uğrunda aparılan mübarizənin 18 oktyabr 1991-ci ildə uğurla nəticələnməsinə Türkiyənin verdiyi dəstək, milli ordu quruculuğunda, yeni siyasi idarəçilik sisteminin yaradılmasında və iqtisadiyyatın inkişaf etdirilməsində Türkiyənin rolu v.d. məsələlər kitabda elmi baxımdan tutarlı dəlil və şərhlərlə oxucuya təqdim edilib. Xüsusilə,1990-cı illərin ortalarından etibarən bütün sahələrdə inkişaf edən münasibətlərin anatomiyası professor Mehmet Yücenin «Azerbaycan-Türkiye. Kardeşliğin bayraklara yansıması» kitabını dəyərli qılan xüsusiyyətlərdən bəziləridir. Kitabda Azərbaycan-Türkiyə münasibətlərinin bayraqlarla simvolizə edən xeyli foto-şəkil yer alıb.
«Azerbaycan-Türkiye. Kardeşliğin bayraklara yansıması» kitabının çıxması münasibətiylə Turan İnformasiya Agentliyinə açıqlama verən Türk Dünyası Araşdırmaları Vəqfinin başqanı Közhan Yazgan diqqəti bu nöqtələrə çəkib:
“Uşaqlığımızdan bəri Azərbaycanın müstəqilliyi məsələsi ailəmizin idealları arasında yer tutub. Rəhmətlik atam professor Turan Yazgan 1980-ci ildə İstanbulda Türk Dünyası Araşdırmaları Vəqfini yaradanda Azərbaycana çox önəm verib və hava yolları açılar-açılmaz-1989-cu ildə Türk Hava Yollarından təyyarə icarəyə götürərək Türkiyədən xeyli insanı Azərbaycana gətirib. Türk Dünyası Araşdırmaları Vəqfi 1992-ci ildə Bakıda Atatürk litseyini və İqtisad Universitetində menecmentlik fakültəsini açıb. 30 illik tariximizlə qürur duyduğumuz kimi, Türkiyədən əsla fərqli görmədiyimiz Azərbaycandakı tələbi nəzərə alaraq, Türkcə ikinci təhsil qurumumuzu açdıq. İki qardaş arasındakı münasibətlərin dünənini və bu gününü işıqlandırması baxımından professor Mehmet Yücenin kitabına böyüm önəm veririk. Türkiyədə, Azərbaycanda və Türk dünyasındakı mütəxəssis və oxucuların da bu kitabdan çox şey öyrənəcəyinə inanıram. Atamın 1989-cu ildə açdığı yoldan inamla getməyə davam edəcəyik. Türkiyə-Azərbaycan qardaşlığının dünyada əmsalının olmaması üçün biz də əlimizdən gələn hər şeyi edəcəyik”.
Türk Dünyası Araşdırmaları Vəqfi indiyə qədər Türk dünyasının müxtəlif bölgələrində 1000-dən çox konfrans təşkil edib, 2.5 milyon səhifədən ibarət dərgi vəkitab buraxıb. Vəqf hər ay «Türk dünyası tarih» dərgisini və iki ayda bir «Türk dünyası araştırmaları» dərgisini çap edir.
Türk Dünyası Araşdırmaları Vəqfinin qurucusu professor Turan Yazgan 1938-ci ildə Türkiyənin Isparta vilayətində anadan olub, 22 noyabr 2012-ci ildə İstanbulda həyata gözlərini yumub. Professor Yazganın vəfatından sonra Vəqfə kiçik oğlu Közhan Yazgan rəhbərlik edir.
Mayis Əlizadə və Turan Yazgan
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz