Azərbaycanın ustad xalça sənətkarı Hacı Eldar Mikayılzadənin barəsində albom-kataloq nəşr edilib.
Albom kataloq “Letterpress” nəşriyyat evində 256 səhifə olmaqla 500 ədəd çap olunub.
Albom-kataloqda fotoların bir qrupu E.Mikayılzadənin şəxsi, digəri ictimai həyatı və üçüncü qrup isə birbaşa peşə fəaliyyətilə bağlıdır. Kataloq nəfis tərtibatla nəşr edilib, albom-kataloqu Azərbaycan və ingilis dillərində E.Mikayılzadənin həyat və peşə fəaliyyəti haqda bilgi verən mətn müşayət edir.
Mətn E.Mikayılzadənin təhsil, həyat yolu haqqında yığcam və yığcam olduğu qədər də dolğun informasiya verir. Fotolarda təkcə E.Mikayılzadənin ömür anlarından xatirələr qalmayıb. Həm də bu şəxsin indiki məqama gəlib çatması üçün hnası məktəblərdən keçməsi əksini tapıb.
E.Mikayılzadə rəngkarlıq və rəssamlığı böyük Azərbaycan rəssamı Səttar Bəhlulzadədən, xalçaçılığı isə böyükl ustad Lətif Kərimovdan öyrənib.
Onun çoxsaylı rəsm əsərləri var, bu rəsm əsərləri natürmortdan tutmuş dini süjetlərə qədər çox böyük müstəvini əhatə edir. E.Mikayılzadə bu müstəvilərin hər birində öz sözünü deməyə qabil əsərlər yaradıb. Bu əsərlərin çoxu hədiyyə olaraq dövlət başçlarına, rəsmi şəxslərə bağışlanıb. Eynilə E.Mikayılzadənin süjetli-ornamentli xalçaları da sıradan xalçalar olmayıb. Bu əsərlər, muzeylərlə yanaşı xarici ölkələrə də satılıb və ya bağışlanılıb. E.Mikayılzadənin Avropa incəsənət mərkəzlərində dəfələrlə sərgiləri keçirilib və bu sərgilər diqqətlə qarşılanıb.
Bu kitab Azərbaycaın rəssamlıq və xalçaçılığı haqqında çağdaş təqdimata malik yeni ovqatdır. E.Mikayılzadə yaradıcılığını rəm və xalça ilə yekunlaşdırmayıb. Onun müasir Azərbaycan məscidlərində apardığı tərtibat işləri, məsciddaxıli işləmələr öz mükəmməliyi ilə seçilir.
Biz həm də inanırıq ki, albom-kataloq E.Mikayılzadənin özünün cəmiyyətə, xalqa təqidmatına dönəcək. Çünki E.Mikayılzadə özünü xalqa reklam etdirmək kimi düşüncə və addımdan uzaq durub.
Amma biz ona da inanırıq ki, E.Mikayılzadə bu xalqın mədəniyyətinə tövfə olan bir çox əsərləri hələ bundan sonra yaradacaq.-05B-
Mədəniyyət
-
İstanbulda Azərbaycanlı xalça sənətçisi Elnarə Rəsulovanın fərdi sərgisi açılıb. Şəhərin qədim məkanlarından birində keçirilən sərgidə Rəsulovanın 17 əsəri ilə yanaşı, təxminən 50 xalça nümayiş etdirilir. Kolleksiyadakı əsərlərdən biri XVII əsrə aiddir.
-
Azərbaycan tarixini dərk etmək axtarışı müasir ədəbiyyat, mədəniyyət və milli qürurla getdikcə daha çox toxunan davamlı bir səyahətdir. Bu yaxınlarda Milli Azərbaycan Tarixi Muzeyində Yusif Ağayevin “Böyük Azərbaycan şairi Nizami Gəncəvinin yaradıcılığında 11-13-cü əsrlərin döyüş sənəti” adlı yeni kitabının təqdimatı keçirilib. Bu tədbir Azərbaycanın mədəni və akademik dairələrində ikiqat təntənəli hadisə olub, orta əsrlər hərb tarixini irsi uzun müddətdir Azərbaycanın identikliyini zənginləşdirən şair Nizami Gəncəvinin məşhur əsərləri ilə əlaqələndirib.
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
-
Hazırda yeni qadın yazıçı, şairlərin və ədəbiyyat tədbirlərində onların iştirakçılıqlarının az olması diqqət çəkən nüanslardandır. “Salaam Cinema Mədəniyyət və İncəsənət Məbədi”-nin tərkibində “Yazı Laboratoriyası” bu bərabərsizliyi aradan qaldırmaq üçün “Ədəbiyyat səhnəsində qadınlar zamanı” adlı açıq mikrafon tədbiri keçirib.
Rəy yaz