yarat.az
1 oktyabr tarixindən etibarən YARAT Müasir İncəsənət Məktəbinə ərizələrin qəbulu başlayıb. Məktəb Sabina Şıxlinskayanın müəllif kursudur. Kurs iki semestrdən ibarətdir və həm nəzəri biliklərin, həm də praktiki bacarıqların verilməsi məqsədi daşıyır.
Qeyd edək ki, bu məktəb ilk dəfə 2022-ci ildə təsis olunub. İlk dəfə bu proqram 16 martdan 4 may 2023-cü ilə qədər davam edib. Bu proqramda bir çox yeni başlayan və ya müasir incəsənət sahəsində öz bilgilərini artırmaq istəyən insanlar müraciət ediblər.
Müasir incəsənət məktəbinin məzunlarından biri də Nəcəf Öztürkdür. O bu məktəbə müraciət etmədən öncə müasir incəsənətlə çox dərindən məşğul olmadığını deyir. Dərslər həftədə 3 dəfə keçirilib. Onlar müxtəlif sahələrdə ixtisaslaşmış mütəxəssislərdən dərslər alıblar.
“Dərlərimizdə rəssam, art menecer, kuratorlar və s. xarici və yerli mütəxəssislər gəlib öz təcrübələrini, incəsənətin tarixi haqqında məlumatları bizimlə bölüşürdülər. Şənbə günləri olan dərslərimizdə biz həmin vaxt nümayiş olunan sərgilərə gedirdik. Sabina xanım sərgilərlə bağlı müsbət-mənfi fikirlərini bizimlə bölüşür və müzakirələr aparırdı”.
Nəcəf layihənin ən müsbət tərəfi olaraq incəsənət insanları ilə bir araya gəlməsini və böyük komandayla işləməyin faydalarını vurğulayıb. Onlar layihəyə başlayanda 30 nəfər olublar. Amma bəzi insanlar uzun müddət dərslərdə iştirak etmədiyi üçün proqramdan kənarlaşdırılıblar və onlar sonda 27 nəfər qalıblar.
“İlk 3 ayda biz nəzəri hissə ilə tanış olduq və sevdiyimiz incəsənət insanı haqqında araşdırıb təqdimatlar hazırlayırdıq. Burada biz həm özümüzü həm də maraqlandığımız incəsənət növünü nümayiş etdirmiş olurduq”.
Məktəbin sonunda isə onlar özləri sərgi sərgi təşkil edib öz öyrəndiklərini tətbiq etmə şansları olub. Nəcəfin sözlərinə görə Azərbaycanda universitetlərdə belə müasir incənətlə bağlı bu qədər faydalı, detallı dərslər keçirilmir. Bu məktəb və bu kimi layihələr müasir incəsənətin inkişafına və insanların öz bacarıqlarını kəşf etməsinə çox böyük töhfə verir.
Müstəqi kurator Aynur Abutalova isə dərslərə kurator bacarıqlarını artırmaq üçün qoşulduğunu qeyd edib. Aynur art-menecer və kuratorluqla bağlı Azərbaycanda heç bir məktəb və ya təlimin olmadığını vurğulayıb. Onun sözlərinə görə müasir incəsənətlə bağlı belə öyrədici layihələrin sayı çox olmalıdır ki, inkişaf davamlı olsun.
“Layihə sonunda 3 sərgi ərsəyə gəldi. Mən onlardan birində kurator kimi sərginin kurasiyası olə məşğul idim. Kurator və art-menecerlərlə bağlı layihə olmayıb. Mənə görə bu çox faydalı bir layihə idi”.
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz