"Züleyha ilə dialoqlar"
Bakı/27.08.20/Turan: "Züleyha ilə dialoqlar" filmi CinéDOC-Tbilisi Bəynəlxalq Sənədli Film Festivalının “Special Screening” adlı bölməsində nümayiş olunacaq. 2013-cü ildə yaranan CinéDOC-Tbilisi Qafqazın ən böyük və nüfuzlu Bəynəlxalq Sənədli Film festivalıdır.
2019-cu ildə çəkilən "Züleyha ilə dialoqlar" qısametrajlı sənədli filmi azərbaycanlı peşəkar pianoçu və şəfaçı Züleyha Abdullayeva haqqındadır. Onun xəstəsi olmuş gənc rejissor Rəşid Ağamalıyev tamaşaçıları musiqi terapiyası sənətinə səmimi bir səyahətə dəvət edir.
Azərbaycan (“Peri film”), Çexiya (“Oliel Company”) və Gürcüstanın (“Chai Khana”) birgə istehsalı olan, Praqada yerləşən Nəfis Sənətlər Akademiyasının Kino və televiziya fakültəsinin (FAMU) dəstəyi ilə çəkilən film azərbaycan, türk və ingilis dilindədir. 2020-ci ilin yanvarın 15-də, YARAT Müasir İncəsənət Mərkəzində "Zuleyxa ilə dialoqlar" sənədli filminin premyerası baş tutmuşdur.
Filmin rejissor və prodüseri Rəşid Ağamalıyev, operatorları Nina Şçamborova (Slovakiya), Raaşi Metkari (Hindistan), montajçı Xorxe Sançes (İspaniya), səs operatorları Berk Tuğçu (Türkiyə), Yuras Karaka (Belarus), rəng üzrə mütəxəssis Yan Vlnas (Çex Respublikası), qrafik dizayneri Nəzrin Ağamalıyeva (Azərbaycan), layihə koordinatoru Durna Səfərovadır (Azərbaycan). Filmin çəkilişlərində Züleyha Abdullayeva (Türkiyə), Vidhi Mehrota (Hindistan), Merih Cırıtlı (Türkiyə), Rəşid Ağamalıyev (Azərbaycan) iştirak ediblər.—0--
Mədəniyyət
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
-
Hazırda yeni qadın yazıçı, şairlərin və ədəbiyyat tədbirlərində onların iştirakçılıqlarının az olması diqqət çəkən nüanslardandır. “Salaam Cinema Mədəniyyət və İncəsənət Məbədi”-nin tərkibində “Yazı Laboratoriyası” bu bərabərsizliyi aradan qaldırmaq üçün “Ədəbiyyat səhnəsində qadınlar zamanı” adlı açıq mikrafon tədbiri keçirib.
-
Azərbaycan kinosunun yeni dalğası yaranır, yerli kinematoqrafçılar müasir həyatın, müharibənin və ailənin çətinliklərini yeni perspektivlər vasitəsilə araşdırırlar. Oktyabrın 22-də Azərbaycan Kinematoqrafçılar İttifaqı "Nizami" Kino Mərkəzində "Yeni nəsil, yeni nəfəs, yeni nəzər" adlı xüsusi tədbir keçirib.
-
Tanınmış azərbaycanlı yazıçı Əkrəm Əylislinin əsərləri "Adamlar və ağaclar" trilogiyasının ingilis dilinə tərcüməsilə ABŞ-da yeni səs qazanıb. Həyəcanverici xatirələri və çox zaman mübahisəli əsərlərilə tanınan Əylisli bu topluda sovet dövründə Azərbaycan kəndindəki həyatı parlaq təsvir edir. Öz ədəbi şücaətinə görə vətənində şöhrət qazanmış müəllif son illərdə, xüsusilə, Azərbaycan-Ermənistan münasibətləri ətrafında həssas mövzuların araşdırılmasına görə sərt reaksiya ilə üzləşib.
Rəy yaz