Açiq mənbələrdən foto.

Açiq mənbələrdən foto.

Bakı/17.05.22/Turan: Onillər boyunca Ermənistan və Azərbaycan arasında Dağlıq Qarabağ uğrunda münaqişə insanlar üçün iztirab mənbəyi olub, bu barədə Amnesty İnternational-ın bu gün dərc edilmiş iki məruzəsində deyilir.

"Ən son qaçış: Dağlıq Qarabağda münaqişə zamanı yaşlı insanların məcburi köçürülməsi və onlara qarşı hərbi cinayətlər" sərlövhəli birinci məruzədə ermənilərə qarşı cinayətlərdən danışılır.

""Qutuda həyat". Azərbaycanda yaşlı insanlar üçün məcburi köçkünlük və qayıdışa hazırlıq necə keçir" adlı ikinci məruzədə isə yaşlı Azərbaycanlıların payına düşən iztirablardan bəhs edilir.

"Dağlıq Qarabağ münaqişəsi silahlı münaqişə zamanı yaşlı insanların hansı xüsusi risklərlə qarşılaşdıqlarını göstərir. Çox vaxt onlar ən sonda qaçırlar, sonra isə onillər boyunca müharibənin nəticələrini yaşayırlar", deyə Amnesty İnternational-ın böhranlara reaksiya komandasının yaşlı insanlarla bağlı tədqiqatçısı Lora Mills bildirib.

"Münaqişənin davam edə biləcəyi yüksək gərginlik şəraitində Ermənistan hakimiyyəti də, Azərbaycan hakimiyyəti də yaşlı insanların müdafiəsini birmənalı olaraq prioritet vəzifəyə çevirməyi vəd etməli və onların insan hüquqlarını, o cümlədən mənzil və sağlamlıq hüquqlarını qorumaq üçün maksimum səy göstərməlidir", deyə o əlavə edib.

"Bütün köçkünlər ilkin yaşayış yerlərinə təhlükəsiz və ləyaqətli şəkildə qayıtmaq hüququna malikdirlər. Yaşlı insanların üzləşdiyi xüsusi risklər nəzərə alınmalıdır. Azərbaycan hakimiyyəti onların lazımi mənzil və digər insanlarla eyni şəkildə qazanc əldə etmək imkanı ilə təmin edilməsi üçün ondan asılı olan hər şeyi etməlidir", deyə Lora Mills qeyd edib.

"Ermənistan qüvvələrinin mülki obyektləri məhv etməsi və vətəndaşların əmlakını müsadirə etməsi, habelə yerüstü minalardan geniş istifadəsi beynəlxalq humanitar hüquq normalarının pozuntusudur. Bu pozuntular nəinki köçkünlərin qayıtmaq hüququnu həyata keçirməsinə mane olur, həm də Azərbaycanın məcburi köçkünlərin münaqişənin əhatə etdiyi rayonlara köçürülməsi üzrə səylərinə ciddi maneə törədir", deyə o bildirib. -02D-

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti