Ankarada TUŞAŞ təyyarə zavodunda terror aktı baş verib
Ankarada təyyarə zavoduna hücum zamanı törədilən terror aktı nəticəsində 4 nəfər həlak olub, 14 nəfər yaralanıb.
Hücum edənlərin taleyi barədə hələlik məlumat verilmir.
* * *
2024-10-23 18:01
Ankarada TUŞAŞ təyyarə zavodunda terror aktı baş verib
Çərşənbə günü axşam döyüş pilotsuz apparatları və döyüş təyyarələri istehsal edən Türkiyə aerokosmik şirkətinin binası qarşısında terror aktı baş verib. KİV-lərin məlumatına görə, Ankarada TUSAŞ təyyarə zavoduna hücum edilib. “A Haber” xəbər verir ki, atışma və partlayış səsləri eşidilib.
Daxili işlər naziri Əli Yerlikaya Ankarada terror aktının baş verdiyini, yaralanan və ölənlərin olduğunu təstiq edib.
“Haber7” hadisə şahidlərinə istinadən yazır ki, TUSAŞ binasına kamikadze hücum edib. Televiziya kanalı partlayış yerindən birmərtəbəli binaya ciddi ziyan dəydiyini göstərən kadrları dərc edib.
“Sabah” həmçinin “terrorçulardan birinin” görüntülərini də yayıb. Görüntülərdə əlində avtomatla qaçan adamdır.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz