Seçkilərin Monitorinqi və Demokratiyanın Tədrisi (SMDT) Mərkəzinin sədri Anar Məmmədli Azərbaycanın seçkilərin Avropa Parlamentinin monitorinqinə ehtiyacı olan ölkələr siyahısından çıxarılması haqqında məlumatların doğruluğuna şübhə etdiyini bildirib.
O, Turan-ın müxbiri ilə söhbətində qeyd edib ki, Aİ-nin strukturunda ATƏT DTİHB kimi seçkilərin uzunmüddətli monitorinqi haqqında qərarlar qəbul edən departament var. Lakin bu, ATƏT üzvü olmayan ölkələrə aiddir.
Eyni zamanda, Avropa Parlamentinin ATƏT DTİHB missiyalarının tərkibində az sayda nümayəndə ilə qısamüddətli monitorinqdə iştirak etməsi təcrübəsi mövcuddur.
İndiyədək Avropa ParlamentiAzərbaycanda seçkiləri məhz bu şəkildə müşahidə edib və qiyməti ATƏT DTİHB, AŞPA, ATƏT PA ilə birgə yekun bəyanatda verib.
Bir qayda olaraq, ATƏT DTİHB-yə dəvətlər seçkilərə 6 ay qalmış göndərilir və bu struktur monitorinqə başqalarını dəvət edir.
Azərbaycan hakimiyyəti hələki prezident seçkiləri üçün ATƏT DTİHB-yə dəvət göndərməyib. Ola bilər ki, bu şəraitdə Avropa Parlamenti sadəcə olaraq monitorinqdə iştirakdan imtina etməyi qərara alıb və ya çox az sayda müşahidəçi göndərəcək.
“Lakin bu, heç cürə Azərbaycanın əldə olunmuş demokratik irəliləyişlə əlaqədar monitorinqə ehtiyacı olan ölkələr siyahısından çıxarılması kimi təqdim edilə bilməz.
Digər tərəfdən, Azərbaycana Avropa Parlamenti müşahidəçilərinin göndərilməməsi, çox güman ki, demokratik seçkilərin keçirilməsi mümkünlüyünə etibarın tamamilə itirilməsi deməkdir. Bu, ölkənin imicinə mənfi təsir göstərəcək”, deyə Məmmədli bildirib.
Turan-ın Avropa Parlamentinə Azərbaycanın AP monitorinqinə ehtiyacı olan ölkələr siyahısından çıxarılması haqqında qərarla bağlı şərh vermək xahişi ilə göndərdiyi sorğuya cavabda bu orqanın mətbuat xidmətindən bildiriblər ki, belə bir qərar haqqında məlumatları yoxdur.
Avropa Parlamentinin saytında da belə bir qərar haqqında heç bir məlumat yoxdur.
Xatırladaq ki, bu məlumatın mənbəyi Milli Məclisin deputatlarından biridir.
Maraqlıdır ki, hələ bir ay əvvəl Milli Məclis Avropa Parlamentinə qarşı hiddətli bəyanat qəbul edərək, ReAl lideri İlqar Məmmədovun azad edilməsi tələbi ilə qəbul etdiyi qətnamə ilə əlaqədar təşkilatı qərəzlilikdə ittiham edib. -06B-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz