Avropa Şurası Parlament Assambleyasının deputatları: Azərbaycanda baş verənlər qəbuledilməzdir
Avropa Şurası Parlament Assambleyasının deputatları: Azərbaycanda baş verənlər qəbuledilməzdir
Azərbaycanda hakimiyyətin tənqidçilərinə və vətəndaş cəmiyyətinə qarşı repressiyalar davam edir. Bütün bunlar Avropa Şurasının üzvü olan ölkə üçün tamamilə qəbuledilməzdir. Bu barədə Almaniyanın Avropa Şurası Parlament Assambleyasında nümayəndə heyətinin rəhbəri Frank Şvabe Turan-ın müxbirilə söhbətində bildirib.
"Biz komissiyaların iclaslarında bu barədə çox danışmışıq və vəziyyət dəhşətlidir. Bakının İşgəncələrə Qarşı Komitə missiyasını ölkəyə buraxmaqdan imtina etməsini xatırlatmaq kifayətdir. Ümumiyyətlə, Avropa Şurası Parlament Assambleyası üzvünün ölkəsində işgəncələrin olması tamamilə qəbuledilməzdir", - deputat deyib.
Azərbaycan nümayəndə heyətinin Avropa Şurası Parlament Assambleyasındakı hüquqlarının bərpa olunması ehtimalı varmı? Bu sualına cavabında Svabe deyib ki, yanvarın 24-də nümayəndə heyətinin səsvermə hüququndan məhrum edilməsi barədə qərardan sonra Azərbaycanda vəziyyət daha da pisləşib.
"Bakı Avropa Şurası Parlament Assambleyasının 76 deputatını persona non-qrata elan edib və hansı dialoqdan söhbət gedə bilər? Eyni zamanda, ölkədə siyasi məhbusların sayı artır. COP29 ərəfəsində müsbət dəyişikliklərin olacağını düşünürdük, amma bunun əksini görürük", - Şvabe deyib.
"Azərbaycanda baş verənlər narahatlıq doğurur və Avropa Şurası Parlament Assambleyası rəsmi Bakıya aydın siqnal göndərməlidir ki, bu neqativ hallara son qoyulmalıdır", - öz növbəsində Avropa Şurası Parlament Assambleyasının Azərbaycan üzrə məruzəçisi Liz Kristofersen deyib.
"Jurnalistlərin, vətəndaş cəmiyyəti fəallarının və hökumət tənqidçilərinin həbsi xüsusi narahatlıq doğurur. Bütün bu həbslərin həyata keçirilməsinə imkan verən qanunvericilik də narahatlıq doğurur. Yəni, siyasi partiyalar haqqında qanun, media haqqında qanun və qanunvericilikdə qeyri-hökumət təşkilatlarını təqib edilməsinə imkan verən digər düzəlişlər".
Azərbaycan Avropa Şurasına qayıtmaq üçün bu təşkilata münasibətini dəyişməli və Avropa Şurası institutları ilə əməkdaşlıq etməlidir, o vurğulayıb.
Bakıdan bu istiqamətdə müsbət siqnalların olub-olmaması barədə suala Kristofersen mənfi cavab verib.
Siyasət
-
Çərşənbə günü Bakıda "İqlim dəyişikliyi və insan hüquqları: ombudsmanların və milli insan hüquqları təsisatlarının rolu” mövzusunda forum açılıb.
-
Azərbaycan Avropa Şurasının dəyərlərinə uyğun olmalıdır, bu, nümayəndə heyətinin Avropa Şurası Parlament Assambleyasına qayıtması üçün şərtdir. Oktyabrın 1-də Avropa Şurası Parlament Assambleyasının Strasburqda keçirilən sessiyasında "Azərbaycanda insan hüquqları, qanunun aliliyi və demokratiya ilə bağlı vəziyyətin pisləşməsi" mövzusunda müzakirələrin əsas leytmotivi belə olub.
-
ABŞ İranın İsrailə raket zərbəsini "həyasızcasına və qəbuledilməz" adlandırıb. "Dünyanın bütün ölkələri bu hücumun qınanmasında bizə qoşulmalıdır", - Dövlət Departamentinin nümayəndəsi Metyu Miller brifinqdə bildirib.
-
İranın raket zərbəsinə tez cavab veriləcəyi barədə vədlərə baxmayaraq, oktyabrın 2-də səhərə qədər İsrail qətiyyətli addım atmayıb. Gecə ərzində hərbi-siyasi kabinet iclas keçirib. İlk dəfə iclas böhran idarəetmə mərkəzi adlanan bunkerdə keçirilib.
Rəy yaz