![Azərbaycan COP29-da iqlim dəyişikliklərinə qarşı mübarizə tədbirlərinə ayrılan maliyyə vəsaitinin artırılmasının tərəfdarıdır](https://turan.az/resized/news/2024/uox9uoZ9Z5O6ztXQZbPMJH7aVWwliS0MdyIsSNSb-750-500-resize.webp)
Azərbaycan COP29-da iqlim dəyişikliklərinə qarşı mübarizə tədbirlərinə ayrılan maliyyə vəsaitinin artırılmasının tərəfdarıdır
Azərbaycan COP29-da iqlim dəyişikliklərinə qarşı mübarizə tədbirlərinə ayrılan maliyyə vəsaitinin artırılmasının tərəfdarıdır
İlim dəyişiklikləri vaxtında cilovlanmasa, planet ciddi təbii fəlakətlərlə üzləşəcək. Bu fikir KİV üçün Bakıda keçiriləcək COP29-a dair avqustun 24-də keçirilən seminarda natiqlərin çıxışlarında səslənib.
UNFCC (Birləşmiş Millətlər Təşkilatının İqlim Dəyişiklikləri haqqında Çərçivə Konvensiyası) kommunikasiyalar şöbəsinin rəhbəri Aleksandr Sayer qeyd edib ki, Paris iqlim dəyişiklikləri müqaviləsinin strateji məqsədi XXI əsrin sonlarına doğru qlobal orta temperaturun yüksəlməsini 1,5 dərəcə Selsi və ya ən azından 2 dərəcə Selsidən aşağı səviyyədə saxlamaqdır.
Hətta temperatur artımı 1,5 dərəcə səviyyəsində saxlansa bel, əsrin sonuna doğru Arktikada buzlaqların 7 faizi əriyəcək. 2 faizlik artım buzlaqların 16 faizinin əriməsinə səbəb olacaq.
Lakin beynəlxalq birliyin tədbirləri səmərəsiz olsa, temperatur 3 dərəcə artdığı halda buzlaqların 63 faizi əriyəcək, bu da qlobal təbii fəlakətlərə gətirib çıxaracaq.
Stayerin sözlərinə görə, iqlim dəyişikliklərinə qarşı mübarizə daha çox investisiya tələb edir və COP29 Bakı görüşü iqlim dəyişikliklərinə qarşı mübarizə tədbirlərinə ayrılan maliyyə vəsaitinin artırılması məsələsinin müzakirəsi baxımından xüsusi əhəmiyyət kəsb edir.
2009-cu ildə Kopenhagen iqlim konfransında istixana qazı tullantılarının azaldılması tədbirlərinə hər il 100 təxminən mlrd. dollar ayrılması qərara alınmışdısa, indi bu, kifayət etmir, deyə öz növbəsində COP29 üzrə Azərbaycanın nümayəndəsi, xarici işlər nazirinin müavini Yalçın Rəfiyev bildirib.
Bakıda keçiriləcək COP konfransından əsas gözlənti bu yardımın yeni yuxarı həddinin müəyyən edilməsidir.
"Çünki illər ötüb, dünya iqtisadiyyatı dəyişib, tələb və ehtiyaclar artıb və müvafiq olaraq ölkələrin tələbatları artıb", deyə Rəfiyev qeyd edib.
Onun sözlərinə görə, hazırda inkişaf etməkdə olan ölkələrə maliyyə yardımının artırılması ilə bağlı çoxtərəfli danışıqlar aparılır və bu məsələdə konsensus əldə edilməsi üzrə strategiya üzərində iş aparılır.
Azərbaycan konfransda 14 təşəbbüslə çıxış edəcək, deyə Rəfiyev sözünə davam edib.
Xüsusən, Bakı iqlim dəyişikliklərinə qarşı mübarizə üçün ölkələrin və mədən yanacağı istehsal edən şirkətlərin könüllü ianələri hesabına maliyyələşəcək Fond yaradılmasını təklif edir.
Digər təşəbbüslər "yaşıl enerji", insan sərmayəsinə investisiyalar, kənd icmalarında ekoloji tədbirlərin dəstəklənməsi ilə bağlı olacaq.
Eyni zamanda, Bakı COP-a siyasi və diplomatik səylərin iqlim dəyişikliklərinə qarşı mübarizəyə səfərbər edilməsi məqsədilə münaqişələrin sülh yolu ilə həllinə çağırış etməyi təklif edir.
-
- Keçmiş Sovet məkanı
- 24 Avqust 2024 13:46
Siyasət
-
Azərbaycan Respublikası Baş Prokurorluğu, Daxili İşlər Nazirliyi və Minatəmizləmə Agentliyinin (ANAMA) Mətbuat Xidmətləri məlumat verir ki, işğaldan azad edilmiş Füzuli rayonunun Zərgər kəndi ərazisində 2024-cü il 24 avqust tarixində sursat partlayışı hadisəsi baş verib.
-
Ötən gün saxlanılan gənc yazıçı və ictimai fəal Səməd Şıxı sərbəst buraxılıb.
-
Ukraynanın Təhlükəsizlik Xidməti Rusiya hərbiçilərinin PUA-larla Ukrayna ərazilərinə zərbələr endirməsi üçün təlimat verən və 20 belə hücumu şəxsən əlaqələndirən İran generalına qarşı cinayət işi açıb.
-
İlham Əliyev Ukraynanın Müstəqillik Günü ilə əlaqədar Volodimir Zelenskiyə təbrik məktubu göndərib. Məktubda deyilir:
Rəy yaz