Azərbaycan və Belarus hərbi-texniki əməkdaşlığın genişləndirilməsini müzakirə edib
Bakı/24.08.18/Turan: Azərbaycan müdafiə nazirinin birinci müavini - Silahlı Qüvvələrin Baş Qərargah rəisi Nəcməddin Sadıqov avqustun 23-də Minskdə bu ölkənin müdafiə naziri Andrey Ravkov ilə görüşüb.
Azərbaycan Müdafiə Nazirliyinin Mətbuat Xidmətinin məlumatına görə, görüşdə hərbi, hərbi-texniki sahələrdə əməkdaşlığın inkişafının vacibliyi qeyd edilib. Söhbət zamanı əməkdaşlığın genişləndirilməsi istiqamətləri müzakirə olunub.
Sadıqov Belarus Dövlət Hərbi Sənaye Komitəsinin sədri Roman Qolovçenko ilə də görüşündə isə hərbi-texniki sahədə əməkdaşlığın vəziyyətini müzakirə edib.
Daha sonra N.Sadıqov Belarusun hərbi sənaye kompleksinə daxil olan müəssisəni ziyarət edərək oranın rəhbərliyi ilə görüşüb.
Azərbaycan Müdafiə Nazirliyinin nümayəndə heyəti bu ölkənin hərbi sənayesinin istehsal etdiyi döyüş texnikaları və hərbi təyinatlı digər vasitələrlə tanış olub, Baş Qərargah rəisi Azərbaycan Ordusunun silah arsenalını gücləndirə biləcək silah və hərbi texnika ilə maraqlanıb.-03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz