Bakı/02.04.18/Turan: Azərbaycan prezidentliyinə namizəd, Demokrat Partiyasının lideri Sərdar Cəlaloğlunun seçkiqabağı platforması Azərbaycanın dövlət statusunun dəyişdirilməsi ideyası ilə fərqlənir.
Bazar günü prezidentliyə namizədlərin debatında çıxış edən Cəlaloğlu qeyd edib ki, Rusiya Azərbaycan üçün təhlükə təşkil edir və Qərb inkişaf istiqamətinə keçmək lazımdır. Çıxışının sonunda isə o, prezident olarsa, Azərbaycan ilə Türkiyənin konfederasiyasiyasının yaradılmasına nail olacaq.
Cəlaloğlunun ideyası yeni deyil və Azərbaycanda müxtəlif dövlətlərarası əsaslarla Azərbaycan-Türkiyə münasibətlərinin möhkəmləndirilməsinin tərəfdarları az olmayıb.
Mərhum politoloq Vəfa Quluzadə də Türkiyə ilə konfederasiya yaratmağı təklif edirdi. Xarici siyasət üzrə keçmiş dövlət müşaviri Quluzadə deyirdi ki, tamamilə müstəqillik Azərbaycan üçün səmərəli deyil, belə ki, Rusiyanın erməniyönlü siyasəti Qarabağ münaqişəsini müstəqil şəkildə həll etməyə imkan vermir. Azərbaycan ölkənin təhlükəsizliyini möhkəmləndirmək və bu problemin həllinə imkan vermək üçün Türkiyənin tərkibinə daxil olmalıdır.
Turan-ın sualını cavablandıran politoloq Elxan Şahinoğlu xatırladıb ki, Rumıniyanın tərkibinə daxil olan Moldovadan fərqli olaraq, Azərbaycan Türkiyənin tərkibində olmayıb. Amma Azərbaycan və Türkiyə xalqları son 100 ildə çox yaxınlaşıblar.
Hətta Azərbaycanın 70 il SSRİ-nin tərkibində olması azərbaycanlıların türkyönlü əhval-ruhiyyəsini dəyişdirməyib.
Azərbaycan və Türkiyə strateji tərəfdaşdırlar və hazırda regionda Azərbaycan-Türkiyə ittifaqı formalaşıb.
"Azərbaycan-Türkiyə konfederasiyasına gəlincə, bu ideyanın tərəfdarı deyiləm, amma belə bir təklifin müzakirəsi məqsədə uyğundur. Bəlkə də Azərbaycan bizi Türkiyə ilə konfederasiya yaratmağa məcbur edəcək bir vəziyyətlə qarşılaşacaq", deyə Şahinoğlu bildirib.
Müxalif Müsavat partiyasının sədri Arif Hacılı xatırladıb ki, əvvəllər Türkiyə ilə konfederasiya yaradılması ideyası "Əhrar" partiyasının sədri Vaqif Hacıbəyli tərəfindən də irəli sürülmüşdü.
Müsavat-ın mövqeyi Azərbaycan və Türkiyənin xarici siyasi mövqelərinin birləşdirilməsindən və gələcəkdə bütün səviyyələrdə əlaqələrin yaxınlaşdırılmasından ibarətdir, deyə Arif Hacılı bildirib. -0-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz